រសៀលថ្ងៃចន្ទទី៣១ ខែសីហា ឆ្នាំ២០២០ ឯកឧត្តម ជាវ តាយ ចុះពិនិត្យ និងដោះស្រាយទីតាំងសាងសង់អគារសង្កាត់ក្រាំងអំពិល ដោយមានការចូលរួមពី ឯកឧត្តម អភិបាលរងខេត្ត អភិបាលក្រុងកំពត មន្ត្រីជំនាញពាក់ព័ន្ធ និងអាជ្ញាធរមូលដ្ឋាន។

      គូសបញ្ជាក់ថា៖ ដោយពិនិត្យឃើញអំពីបញ្ហាប្រឈមរបស់រដ្ឋបាលសង្កាត់ក្រាំងអំពិល ដែលពុំទាន់អគារផ្ទាល់ខ្លួនសម្រាប់បម្រើសេវាសាធារណៈ រដ្ឋបាលខេត្ត នឹងសាងសង់អាគាររដ្ឋបាលសង្កាត់ក្រាំងអំពិល តាមគំរូរបស់ក្រសួងមហាផ្ទៃ។

      ឯកឧត្តម អភិបាលខេត្ត បានដឹកនាំមន្ត្រីជំនាញ និងអាជ្ញាធរមូលដ្ឋាន ចុះពិនិត្យទីតាំងខាងកើតផ្សាររុយ និងទីតាំងខាងជើងសាលាសុវណ្ណភូមិ។ ប្រជាពលរដ្ឋបានសំណូមពរមក ឯកឧត្តម អភិបាលខេត្ត សុំរក្សាទុកទីតាំងខាងកើតផ្សាររុយធ្វើជាផ្លូវសាធារណៈដដែល ដោយស្នើសុំបង្វែរការសាងសង់ទៅទីតាំងផ្សេង។

      ឯកឧត្តម អភិបាលខេត្ត បានទទួលយកសំណូមពររបស់ប្រជាពលរដ្ឋ ដោយបានសម្រេចដូចខាងក្រោម៖

១. ទីតាំងខាងកើតផ្សាររុយ រក្សាទុកធ្វើផ្លូវសាធារណៈដដែល។

២.ជ្រើសរើសយកទីតាំងខាងជើងសាលាសុវណ្ណភូមិ សម្រាប់សាងសង់អាគាររដ្ឋបាលសង្កាត់ក្រាំងអំពិល ដោយចាក់បេតុងផ្លូវចូលទទឹង ៦ម៉ែត្រ ដើម្បីជួយសម្រួលការធ្ចើដំណើររបស់ ប្រជាពលរដ្ឋនៅទីនោះផងដែរ៕

ប្រភព៖ រដ្ឋបាលខេត្តកំពត