ឯកឧត្តម ជាវ តាយ អភិបាលខេត្តកំពត ប្រគល់អំពូលភ្លើងដល់ក្រុង ស្រុក ទាំងប្រាំបី នៃខេត្តកំពត
រសៀលថ្ងៃចន្ទថ្ងៃទី៣១ ខែសីហា ឆ្នាំ២០២០ នៅសាលាខេត្តកំពត ឯកឧត្តម ជាវ តាយ អភិបាលនៃគណៈអភិបាលខេត្ត បានប្រគល់អំពូលភ្លើងបំភ្លឺផ្លូវដល់រដ្ឋបាលក្រុង ស្រុក ក្នុងមួយ ក្រុង ស្រុកទទួលបាន១០អំពូល សម្រាប់យកទៅប្រើប្រាស់រៀបចំដាក់បំភ្លឺទីសារណៈបម្រើប្រយោជន៍ដល់បងប្អូនប្រជាពលរដ្ឋនៅមូលដ្ឋាន។
ពិសេសដោយខេត្តកំពត ជាខេត្តគោលដៅទេសចរណ៍ផងនោះ ដូច្នេះហើយទើបឯកឧត្តម អភិបាលខេត្តគិតគូរនឹងផ្តល់ជូនក្រុង ស្រុក យកទៅប្រើប្រាស់នាពេលនេះ ស្របតាមការវិវឌ្ឍន៍រីកចម្រើនរបស់ប្រទេសជាតិ ក្រោមម្លប់សន្តិភាព ពេញផ្ទៃប្រទេស ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕
ប្រភព៖ រដ្ឋបាលខេត្តកំពត
