គណៈកម្មការរៀបចំផ្សារលើធំថ្មីប្រជុំពិភាក្សាការងារសន្តិសុខ សណ្តាប់ធ្នាប់ សោភ័ណភាព អនាម័យ បរិស្ថានជុំវិញផ្សារលើធំថ្មី នៅរសៀលថ្ងៃអង្គារ ១២ រោច ខែ ផល្គុន ឆ្នាំ រកា នព្វស័ក ព.ស ២៥៦១ ត្រូវនឹងថ្ងៃទី ១៣ ខែមីនា ឆ្នាំ ២០១៨ នៅបន្ទប់ប្រជុំសាលាខេត្តបានរៀបចំកិច្ចប្រជុំពិភាក្សាការងារជាមួយក្រុមការងារគណៈកម្មការរៀបចំ សន្តិសុខ សណ្តាប់ធ្នាប់ សោភ័ណភាព បរិស្ថាន អនាម័យ នៅបរិវេណផ្សារលើធំថ្មី ស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាបលោក ក្រោមអធិបតីភាព ពៅ ពិសិដ្ឋ អភិបាលរងខេត្ត និងជាប្រធានគណៈកម្មការរៀបចំសន្តិសុខ សណ្តាប់ធ្នាប់ សោភ័ណភាព អនាម័យ បរិស្ថាននៅផ្សារលើធំថ្មី ក្រុងសៀមរាប តំណាងឯកឧត្តមបណ្ឌិត ឃឹម ប៊ុន សុង អភិបាល នៃគណៈអភិបាលខេត្តសៀមរាប ។ កិច្ចប្រជុំនេះក៏មានការអញ្ជើញចូលរូមពី លោក លោកស្រី អនុប្រធាន សមាជិក សមាជិកា នៃគណៈកម្មការ សមត្ថកិច្ចពាក់ព័ន្ធ ប្រធានគណៈកម្មការគ្រប់គ្រងផ្សារ អ្នកម៉ៅការភាស៊ីនៅផ្សារលើធំថ្មី ដើម្បីពិភាក្សាការរៀបចំសន្តិសុខ សណ្តាប់ធ្នាប់អោយមានរបៀបរៀបរយ ក្នុងការលើកកម្ពស់សោភ័ណភាពនៅផ្សារលើធំថ្មីបន្ថែមទៀត។ ជាមួយគ្នានេះ ចំពោះអនាម័យបរិស្ថានសូមប្រធានគណៈកម្មការគ្រប់គ្រងផ្សារ អ្នកម៉ៅការភាស៊ីផ្សារត្រូវណែនាំដល់អាជីវករទាំងស់ធ្វើការវេចខ្ចប់ និងទុកដាក់អោយបានសមរម្យ ដើម្បីងាយស្រួលដល់ការប្រមូល៕ ប្រភពព័ត៌មាន: រដ្ឋបាលខេត្តសៀមរាប ( ថ្ងៃទី ១៤ ខែមីនា ឆ្នាំ២០១៨)