នៅព្រឹកថ្ងៃអង្គារ ១២រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៣ ខែ មីនា ឆ្នាំ២០១៨ បន្ទាប់ពីកិច្ចប្រជុំពិភាក្សាការងាររៀបចំព្រឹត្តិការអង្គរសង្រ្កាន្តរួចមក ឯកឧត្តមបណ្ឌិត ឃឹម ប៊ុនសុង អភិបាលខេត្ត និងឯកឧត្តម ហ៊ុន ម៉ានី បានបន្តពិនិត្យមើលទីតាំងសម្រាប់រៀបចំការប្រគុំតន្រ្តី និងស្តងពិព័រណ៍លក់ផលិតផលផ្សេងៗ នៅចន្លោះស្ពានអតីតមន្ទីរទេសចរណ៍ ដល់ស្ពានថ្មព្រះរាជដំណាក់ដែលកំពុងសាងសង់ធ្វើជាន្លែងហាត់ប្រាណ និងចំណតរថយន្ត។ សូមបញ្ជាក់ផងដែរថា ការកែលម្អសួនច្បារនេះ គឺដើម្បីរៀបចំអោយមានចំណតរថយន្តផង និងមានកន្លែងសម្រាប់ហាត់ប្រាណផង ហើយនឹងរួចរាល់មុនថ្ងៃចូលឆ្នាំថ្មីប្រពៃណីខ្មែរខាងមុខនេះ។ ការរៀបចំនេះ គឺជាលើកកម្ពស់សោភ័ណភាពមួយផ្នែកទៀសម្រាប់ខេត្តសៀមរាប ជាពិសេសជួយសម្រួលដល់ការចតរបស់បងប្អូនប្រជាពលរដ្ឋដែលចូលថ្វាយដង្វាយ ឬក៏បួងសួងសុំសេចក្តីសុខនៅព្រះអង្គចេកព្រះអង្គចម៕
ប្រភពព័ត៌មាន: រដ្ឋបាលខេត្តសៀមរាប (ថ្ងៃទី ១៤ ខែមីនា ឆ្នាំ២០១៧)
