កំពង់ឆ្នាំង៖ កាលពីព្រឹកថ្ងៃចន្ទ ទី២៤ ខែសីហា ឆ្នាំ២០២០ មានបើកសិក្ខាសាលាតម្រង់ទិសស្ដីពីយុទ្ធសាស្ត្រជាតិសន្តិសុខស្បៀង និងអាហារូបត្ថម្ភលើកទី២ ឆ្នាំ២០១៩-២០២០ និងការបញ្ជ្រាបការងារសន្តិសុខស្បៀង និងអាហារូបត្ថម្ភ ក្នុងដំណើរការកសាងផែនការអភិវឌ្ឍន៍ និងកម្មវិធីវិនិយោគបីឆ្នាំរំកិល ឃុំ សង្កាត់ ក្រោមអធិបតីភាពឯកឧត្តម សុខ ស៊ីឡូ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ(ក.ក.ជ) និងជាជនបង្គោលចលនាបង្រីកកិច្ចអន្តរាគមន៍អាហារូបត្ថម្ភកម្ពុជា និងឯកឧត្តម សាន់ យូ អភិបាលរងខេត្តកំពង់ឆ្នាំង។
ដោយមានការអញ្ជើញចូលរួមពី ឯកឧត្ដមប្រតិភូ លោក ឌឹម ឌន ប្រធានមន្ទីរផែនការខេត្តកំពង់ឆ្នាំង លោក លោកស្រីតាមមន្ទីរ អង្គភាព ពាក់ព័ន្ធ ពិធីប្រារព្ធនៅសណ្ឋាគាររស្មីសុខាញ៉ូយ៉ក ខេត្តកំពង់ឆ្នាំង៕
ប្រភព៖ រដ្ឋបាលខេត្តកំពង់ឆ្នាំង