អ្នកព័ត៌មានមួយចំនួនផ្តល់ព័ត៌មានតាមរបៀបអ៊ុចអាល ដោយសារតែផលប្រយោជន៌របស់ខ្លួន នេះជាប្រសាសន៍លើកឡើងរបស់ឯឧត្តម គួច ចំរើន អភិបាលខេត្តកំពង់ចាម ដែលបានលើកឡើងក្នុងពិធីបើកវគ្គបណ្តុះបណ្តាលស្តីពី ជំនាញប្រាស្រ័យទាក់ទងជាមួយប្រព័ន្ធផ្សព្វផ្សាយ និងសាធារណជន នាព្រឹកថ្ងៃអង្គារ៍ ១២រោច ខែផល្គុន ឆ្នាំ រកា នព្វស័ក ព.ស ២៥៦១ ត្រូវនិងថ្ងៃទី ១៣ ខែ មិនា ឆ្នាំ ២០១៨ ។ ឯកឧត្តម បានថ្លែងអំណរគុណចំពោះរាល់ព័ត៌មានដែលបានផ្តល់អោយ តែសូមផ្តល់ព័ត៌មានលក្ខណះត្រជាក់ ដោយមិនបង្កប់ភាពអ៊ុចអាល ព្រោះថាប្រសិនបើឯកឧត្តម បញ្ជាអោយអនុវត្តដោយក្តៅតាមការផ្តល់ព័ត៌មានអោយនោះ និងធ្វើអោយប៉ះពាល់ដល់អ្នកដ៏ទៃដែលមិនប្រព្រឹត្តកំហុសឆ្គង។ បន្ទាប់ពីចប់ពិធីបណ្តុះបណ្តាលនៅមន្ទីរព័ត៌មានខេត្តកំពង់ចាមរួចមក នៅថ្ងៃដដែលនោះដែរឯកឧត្តម គួច ចំរើន អភិបាលខេត្តកំពង់ចាម បានអញ្ជើញចុះពិនិត្យទីតាំងសម្រាប់រៀបចំកម្មវិធីសម្ពោធស្ពានកោះប៉ែន ដែលនឹងប្រព្រឹត្តទៅនាថ្ងៃទី១៤ ខែមិនា ឆ្នាំ២០១៨ នាពេលខាងមុខនេះ។

ប្រភពព័ត៌មាន: រដ្ឋបាលខេត្តកំពង់ចាម (ថ្ងៃទី១៣ ខែមីនា ឆ្នាំ២០១៨)