នៅរសៀលថ្ងៃចន្ទ ទី២៤ ខែសីហា ឆ្នាំ២០២០ លោកស្រី ហៀក ហ៊ីមុល្លី អភិបាលរងខេត្តព្រះសីហនុ តំណាងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ នាំយកម៉ាស់ចំនួន ៥,០០០ម៉ាស់ ប្រគល់ជូនអង្គការម្លប់តាប៉ាងសម្រាប់ប្រើប្រាស់ការពារជំងឺកូវីដ-១៩។
ទន្ទឹមនោះលោកស្រី ហៀក ហ៊ីមុល្លី ក៍បានធ្វើការណែនាំដល់បុគ្គលិកអង្គការម្លប់តាប៉ាង ត្រូវបង្កើនការយកចិត្តទុកដាក់ចូលរូមអនុវត្តនូវវិធានការរបស់ក្រសួងសុខាភិបាលឱ្យបានខ្ចាប់ខ្ជួនបន្តទៀត ដោយលាងសម្អាតដៃជាមួយសាប៊ូ ជែល ទឹកអាល់កុលជាប់ជាប្រចាំ មិនត្រូវធ្វេស ប្រហែសព្រោះជំងឺកូវីដ-១៩ កំពុងតែរាត ត្បាតពាសពេញសកលលោក ហើយកម្ពុជាក៍ទទួលនូវជំងឺនេះផងដែរ ក៍ប៉ុន្តែរាជ រដ្ឋាភិបាល និងក្រសួងសុខាភិបាលបានចាត់វិធានការបានទាន់ពេលវេលា មិនឱ្យជំងឺកូវីឌឆ្លងរាលដាលក្នុងសហគមន៍ប្រជាពលរដ្ឋរបស់យើង គឺមានតែការនាំចូលមកពីខាងក្រៅ និងក៍មិនមានអ្នកស្លាប់ដោយសារជំងឺកូវីដផងដែរ៕
ប្រភព៖ រដ្ឋបាលខេត្តព្រះសីហនុ