https://www.interior.gov.kh/report/detail/5935
មណ្ឌលគិរី៖ តាមរបាយការណ៍របស់លោក ងិន សុវិមាន ប្រធានមន្ទីរទេសចរណ៍ខេត្តមណ្ឌលគិរី ក្នុងរយៈពេល ៥ថ្ងៃ ចាប់ពីថ្ងៃទី១៧ រហូតដល់ថ្ងៃទី២១ ខែសីហា ឆ្នាំ២០២០នេះ មានភ្ញៀវទេសចរជាតិ និងអន្តរជាតិចូលមកកំសាន្តនៅខេត្តនេះ មានចំនួនសរុប ៤៣.៧១៤នាក់ ក្នុងនោះ ភ្ញៀវទេសចរជាតិចំនួន ៤៣.៥១០នាក់ ភ្ញៀវទេសចរបរទេសមានចំនួន ២០៤នាក់ បើប្រៀបធៀបចូលឆ្នាំ២០១៩ គឺមានការកើនឡើងចំនួន ៦៨,៥៨%។
លោក ងិន សុវិមាន បានឲ្យដឹងថា ក្នុងឱកាសថ្ងៃឈប់សម្រាកសងបុណ្យចូលឆ្នាំខ្មែរ នៅតាមបណ្តារមណីយដ្ឋាន ផ្ទះសំណាក់ សណ្ឋាគារ និងកន្លែងកំសាន្តនានាក្នុងខេត្តមណ្ឌលគិរី ក៏បានរឹតបន្តឹងក្នុងការអនុវត្តវិធានការណ៍ បង្ការ ទប់ស្កាត់ ការឆ្លងរីករាលដាលនៃជំងឺកូវីដ១៩ តាមការណែនាំរបស់ក្រសួងសុខាភិបាលផងដែរ៕
ប្រភព៖ រដ្ឋបាលខេត្តមណ្ឌលគីរី
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។