លោក គង់ វិតាណៈ អភិបាលរងខេត្តព្រះសីហនុ អញ្ជើញជាអធិបតីក្នុងពិធីបើកការប្រកូតកីឡាជ្រើសរើសេជើងឯកថ្នាក់ខេត្តដែលរៀបចំដោយមន្ទីរអប់រំយុវជននិងកីឡា នាព្រឹកថ្ងៃចន្ទ ១១រោច ខែផល្គុន ឆ្នាំឆ្នាំរកា នព្វស័ក ពស២៥៦១ ត្រូវនឹងថ្ងៃទី១២ ខែមីនា ឆ្នាំ២០១៨ នៅទីលានសាលាជីវិត។ លោក កែវ ឡាយ ប្រធានមន្ទីរ អប់រំយុវជននិងកីឡាខេត្តព្រះសីហនុ ប្រាប់ឲ្យដឹងថា ប្រភេទវិញ្ញាសាដែលបានយកមកប្រកួតមាន បាល់ទាត់ បាល់ទះ និងអត្តពលកម្ម។ កីឡាករចូលរួមប្រកួតសរុបទាំងមធ្យមនិងបឋម មានចំនួន២៥០នាក់និងប្រតិភូដឹកនាំកីឡាករចំនួន៧៥នាក់មកពីក្រុងស្រុកទាំង៤នៃខេត្តព្រះសីហនុ។ លោក កែវ ឡាយ បានរំលេចអោយដឹងទៀតថា នៅដើមខែ មេសាឆ្នាំ២០១៨ខាងមុខនេះដែរ មន្ទីរ អប់រំយុវជននិងកីឡាខេត្តព្រះសីហនុរៀបចំនូវការប្រកួតបាល់ទាត់ដណ្តើមពានរង្វាន់ ឯកឧត្តម យន្ត មីន ថ្នាក់ខេត្តមួយទៀតដើម្បីជាការអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរយើងផងដែរ។ ជាមួយគ្នានេះដែរ លោក គង់វិតាណៈ បានស្នើអោយ ក្រុមកីឡាការទាំងអស់ត្រូវខិតខំអោយអស់ពីសមត្ថភាពក្នុងការប្រកួត ត្រូវគោរពតាមក្បួនច្បាប់កីឡា ស្តាប់ការណែនាំរបស់អាជ្ញាកណ្តាល់និងជាពិសេស ត្រូវចៀសអោយឆ្ងាយពីគ្រឿងញៀន៕

ប្រភពព័ត៌មាន: រដ្ឋបាលខេត្តព្រះសីហនុ (ថ្ងៃទី១២ ខែមីនា ឆ្នាំ២០១៨)