ថ្នាក់ដឹកនាំខេត្តកោះកុង អញ្ជើញទទួលស្វាគមន៍ប្រតិភូនៃអគ្គនាយកដ្ឋានរាជកិច្ច និងតម្កល់ឯកសារជាតិ ចុះពិនិត្យជាក់ស្ដែងនៅរាជកិច្ចដែលទទួលបាន និងផ្សព្វផ្សាយអំពីសារៈសំខាន់នៅសៀវភៅរាជកិច្ច ជូនរដ្ឋបាលខេត្តកោះកុង
ថ្ងៃពុធទី១២ ខែសីហា ឆ្នាំ២០២០ លោក ទូ សាវុធ អភិបាលរង នៃគណៈអភិបាលខេត្តកោះកុង បានអញ្ជើញទទួលស្វាគមន៍ប្រតិភូដែលដឹកនាំដោយលោក សួស វិសុទ្ធ អគ្គនាយករងនៃអគ្គនាយកដ្ឋានរាជកិច្ចនិងតម្កល់ឯកសារជាតិ ក្នុងការចុះពិនិត្យជាក់ស្ដែងនៅរាជកិច្ចដែលទទួលបាន និងផ្សព្វផ្សាយអំពីសារៈសំខាន់នៅសៀវភៅរាជកិច្ច ជូនរដ្ឋបាលខេត្តកោះកុង។
លោកអភិបាលរងខេត្ត សូមថ្លែងអំណរគុណដល់ លោកអគ្គនាយករងនៃអគ្គនាយកដ្ឋានរាជកិច្ចនិងតម្កល់ឯកសារជាតិ ដែលបានអញ្ជើញចុះមកពិនិត្យជាក់ស្ដែងនូវសៀវភៅរាជកិច្ចដែលទទួលបាន នឹងផ្សព្វផ្សាយអំពីសារសំខាន់នៃសៀវភៅរាជកិច្ច ជូនរដ្ឋបាលខេត្តកោះកុងឱកាសនេះ។
ជាមួយនេះដែររដ្ឋបាលខេត្តកម្រងសំណួរស្ដីពីកិច្ចតាមទម្រង់ដែលអគ្គនាយកដ្ឋានបានផ្ដល់ឱ្យ និងធ្វើយ៉ាងណាធានាប្រសិទ្ធភាពក្នុងការចែកចាយ និងផ្សព្វផ្សាយសៀវភៅរាជកិច្ចឲ្យបានកាន់តែទូលំទូលាយបន្ថែមទៀត៕
ប្រភព៖ រដ្ឋបាលខេត្តកោះកុង
