អភិបាលខេត្តកំពង់ចាម អញ្ជើញដឹកនាំមន្ត្រីជំនាញ ចុះពិនិត្យ និងស្រាវជ្រាវទីតាំង ដែលមានកាប៉ាល់លិចតាំងពីអំឡុងទសវត្សរ៍៧០ ក្នុងសម័យសាធារណរដ្ឋខែ្មរ ស្ថិតក្នុងទន្លេមេគង្គ នៅចំណុចភូមិវាល ឃុំមានជ័យ ស្រុកស្រីសន្ធរ
នៅព្រឹកថ្ងៃទី១២ ខែសីហា ឆ្នាំ២០២០ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ត្រីជំនាញ អាជ្ញាធរស្រុកស្រីសន្ធរ អញ្ជើញចុះពិនិត្យ និងស្រាវជ្រាវទីតាំង ដែលមានកាប៉ាល់លិចតាំងពីអំឡុងទសវត្សរ៍៧០ ក្នុងសម័យសាធារណរដ្ឋខែ្មរ ស្ថិតក្នុងទន្លេមេគង្គ នៅចំណុចភូមិវាល ឃុំមានជ័យ ស្រុកស្រីសន្ធរ។
ក្នុងឱកាសនោះ ឯកឧត្ដម អ៊ុន ចាន់ដា អភិបាលខេត្ត បានអំពាវនាវដល់បងប្អូនប្រជាពលរដ្ឋ ដែលរស់នៅតំបន់នេះ ជាពិសេស ប្រជានេសាទ ត្រូវបង្កេីនការប្រុងប្រយ័ត្ន និងហាមឃាត់មិនឲ្យនេសាទត្រង់ចំណុចដែលអាជ្ញាធរស្រុក និងសមត្ថកិច្ចធ្វេីស្រាវជ្រាវដើម្បីស្តារកាប៉ាល់ដែលបានលិច ដោយសារសង្ស័យមានគ្រឿងសភាវុធ និងគ្រាប់មិនទាន់ផ្ទុះ។
ដូច្នេះដេីម្បីជាសុខសុវត្ថិភាព សូមបងប្អូនប្រជាពលរដ្ឋដែលនេសាទ ត្រូវប្រុងប្រយ័ត្នកុំនេសាទ នៅតំបន់ចំណុចខាងលើ៕
ប្រភព៖ រដ្ឋបាលខេត្តកំពង់ចាម
