ឯកឧត្តម ងួន រតនៈ អភិបាលខេត្តបាត់ដំបង ទទួលជួបពិភាក្សាជាមួយគណៈប្រតិភូរដ្ឋបាលព្រៃឈើនៃក្រសួងកសិកម្ម រុក្ខាប្រមាញ់ និងនេសាទ
នៅព្រឹកថ្ងៃពុធ ទី១២ ខែសីហា ឆ្នាំ២០២០ ឯកឧត្តម ងួន រតនៈ អភិបាល នៃគណៈអភិបាលខេត្ត ទទួលជួបពិភាក្សាជាមួយលោក ឡុង រត្តនៈកុមារ អនុប្រធានរដ្ឋបាលព្រៃឈើ បានដឹកនាំគណៈប្រតិភូចូលជួបពិភាក្សាអំពីតំបន់ព្រៃលិចទឹកក្នុងភូមិសាស្ត្រតំបន់២ តំបន់៣ នៅស្រុកជាប់ព្រំប្រទល់នឹងបឹងទន្លេសាប ដែលមានស្រុកចំនួន ៤ រួមមាន ៖ ស្រុកថ្មគោល ស្រុកឯកភ្នំ ស្រុកសង្កែ និងស្រុកមោងឫស្សី។
កិច្ចពិភាក្សានេះធ្វើនៅសាលាខេត្តបាត់ដំបង ដោយមានអញ្ជើញចូលរួមពីលោក សឿម ប៊ុនរិទ្ធិ អភិបាលរង នៃគណៈអភិបាលខេត្ត និងជាអភិបាលរងទទួលបន្ទុកលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោកប្រធានមន្ទីររៀបចំដែននគរូបនីយកម្ម សំណង់ និងសូរិយោដីខេត្ត លោកនាយកខណ្ឌជលផលខេត្ត លោកនាយកស្តីទីទីចាត់ការអន្តរវិស័យសាលាខេត្ត នងអ្នកពាក់ព័ន្ធមួយចំនួន៕
ប្រភព៖ រដ្ឋបាលខេត្តបាត់ដំបង
