អាជ្ញាធរខេត្តកោះកុង បើកកិច្ចប្រជុំពាក់ព័ន្ធនឹងការកាត់ឆ្វៀលដីគម្របព្រៃឈើឆ្នាំ២០០២ ដែលប្រជាពលរដ្ឋរស់នៅអាស្រ័យផងជាក់ស្តែងយូរឆ្នាំ
ថ្ងៃព្រហស្បតិ៍ ទី១៣ ខែសីហា ឆ្នាំ២០២០ នៅសាលប្រជុំសាលាខេត្ត បន្ទប់"ខ" លោក សុខ សុទ្ធី អភិបាលរង នៃគណៈអភិបាលខេត្តកោះកុង និងលោកបណ្ឌិត ឃន សារ៉េត អនុប្រធានរដ្ឋបាលព្រៃឈើ បានដឹកនាំកិច្ចប្រជុំពាក់ព័ន្ធនឹងការកាត់ឆ្វៀលដីគម្របព្រៃឈើឆ្នាំ២០០២ ដែលប្រជាពលរដ្ឋរស់នៅអាស្រ័យផងជាក់ស្តែងយូរឆ្នាំ។
សមាសភាពចូលរួមមានតំណាងក្រសួងកសិកម្ម រដ្ឋបាលខេត្តកោះកុង អភិបាលស្រុកស្រែអំបិល ស្រុកថ្មបាំង ស្រុកកោះកុង ស្រុកបូទុមសាគរ ស្រុកមណ្ឌលសីមា ក្រុងខេមរភូមិន្ទ មន្ទីរកសិកម្ម រុក្ខប្រមាញ់ និងនេសាទខេត្តកោះកុង មន្ទីររៀបចំដែនដី នគរូបនីយកម្ម សំណង់ និងសុរិយោដី និងស្ថាប័ន ជំនាញអង្គភាពពាក់ព័ន្ធ៕
ប្រភព៖ រដ្ឋបាលខេត្តកោះកុង
