រដ្ឋបាលខេត្តក្រចេះចេញសេចក្តីប្រកាសព័ត៌មានចុះថ្ងៃទី៩ ខែមីនា ឆ្នាំ២០១៨ ដោយបានបដិសេធទាំងស្រុងចំពោះបណ្តាព័ត៌មាននានា ដែលបានផ្សព្វផ្សាយថា ការប៉ះទង្គិចគ្នានេះ បណ្តាលឱ្យប្រជាពលរដ្ឋស្លាប់រហូតដល់ ០៨នាក់ និងរងរបួសមួយចំនួន។ សូមបញ្ជាក់ថា នៅរសៀលថ្ងៃទី៨ ខែមីនា ឆ្នាំ២០១៨ មានអំពើហិង្សាមួយបានផ្ទុះឡើងរវាងអាជ្ញាធរ និងប្រជាពលរដ្ឋនៅឃុំ២ធ្នូ ស្រុកស្នូល ខេត្តក្រចេះ ខណៈកម្លាំងសមត្ថកិច្ច អាជ្ញាធរព្យាយាមបំបែកប្រជាពលរដ្ឋដែលនាំគ្នាបិទផ្លូវជាតិលេខ៧៦ ចំនួន ៣កន្លែង។ ការដែលប្រជាពលរដ្ឋនាំគ្នាបិទផ្លូវបានកើតឡើងបន្ទាប់ពីសមត្ថកិច្ចចម្រុះ ក្រោមការដឹកនាំរបស់លោក ជា សុភ័ក្រ ព្រះរាជអាជ្ញារងអមសាលាដំបូងខេត្តក្រចេះ ចុះទៅរុះរើសំណង់តូចៗរបស់ពួកគាត់ស្ថិតនៅក្នុងក្រុមហ៊ុនចំការកៅស៊ូមេមត់។ ក្នុងសេចក្តីប្រកាសព័ត៌មានបានអះអាងថា មូលហេតុដែលនាំដល់សមត្ថកិច្ចឈានដល់ផ្ទុះអាវុធ បន្ទាប់ពីប្រជាពលរដ្ឋដែលព្រមបើកផ្លូវតាមសំណើរបស់អាជ្ញាធរនោះ បានប្រើកាំបិត ពូថៅ ដំបង ដុំថ្ម ជំពាមកៅស៊ូ កាំភ្លើងកែច្នៃ ព្រួញ ដបសាំង បាញ់ និងគប់លើក្រុមការងារ៕

សូមអានសេចក្តីប្រកាសព័ត៌មានរបស់រដ្ឋបាលខេត្តក្រចេះដូចខាងក្រោម៖

ប្រភពព័ត៌មាន: រដ្ឋបាលខេត្តក្រចេះ (ថ្ងៃទី ០៩ ខែមីនា ឆ្នាំ២០១៨)