អាជ្ញាធរខេត្តស្វាយរៀង បើកកិច្ចប្រជុំរបស់គណ:កម្មការគ្រប់គ្រង និងដោះស្រាយផលប៉ះពាល់នៅតំបន់រមណីដ្ឋានប្រាសាទព្រៃបាសាក់ ស្ថិតនៅឃុំបាសាក់ ស្រុកស្វាយជ្រំ
នៅថ្ងៃពុធ ទី០៥ ខែសីហា ឆ្នាំ២០២០នេះ ឯកឧត្តម ហែម ពិសិដ្ឋ អភិបាលរង នៃគណ:អភិបាលខេត្តស្វាយរៀង តំណាង ឯកឧត្តម ម៉ែន វិបុល អភិបាលខេត្ត បានអញ្ជេីញជាអធិបតីក្នុងកិច្ចប្រជុំរបស់គណ:កម្មការគ្រប់គ្រង និងដោះស្រាយផលប៉ះពាល់នៅតំបន់រមណីដ្ឋានប្រាសាទព្រៃបាសាក់ ស្ថិតនៅឃុំបាសាក់ ស្រុកស្វាយជ្រំ ខេត្តស្វាយរៀង ក្នុងគោលពិនិត្យពីគម្រោងអភិវឌ្ឍ អភិរក្ស និងពីផលប៉ះពាល់នានា ដើម្បីដាក់ចេញនូវផែនការអភិវឌ្ឍតំបន់នេះឲ្យបានច្បាស់លាស់ប្រកបដោយនិរន្តរ៍ភាព។
កិច្ចប្រជុំនេះមានការអញ្ជេីញចូលរួមពីលោក-លោកស្រី ប្រធាន-អនុប្រធាន មន្ទីរ ពាក់ព័ន្ធនានាក្នុងខេត្ត លោកនាយកទីចាត់ការចំណុះសាលាខេត្ត លោក អភិបាល រងក្រុងស្វាយរៀង លោកនាយករដ្ឋបាលសាលាស្រុកស្វាយជ្រំ លោកមេឃុំបាសាក់ និងមន្ត្រីពាក់ព័ន្ធជាច្រើនរូបទៀត៕
ប្រភព៖ រដ្ឋបាលខេត្តស្វាយរៀង
