ថ្នាក់ដឹកនាំខេត្តកំពង់ឆ្នាំង អញ្ជើញចូលរួមសិក្ខាសាលាតម្រង់ទិស ស្តីពីការអនុវត្តគម្រោងអាហាររូបត្ថម្ភនៅកម្ពុជា
ថ្ងៃពុធ ទី០៥ ខែសីហា ឆ្នាំ២០២០នេះ លោកជំទាវ ប៊ន សុភី អភិបាលរងខេត្តកំពង់ឆ្នាំង អញ្ជើញចូលរួមសិក្ខាសាលាតម្រង់ទិស ស្តីពីការអនុវត្តគម្រោងអាហាររូបត្ថម្ភនៅកម្ពុជា នៅសណ្ឋាគារអង្គរមិរ៉ាខល ខេត្តសៀមរាប។
សិក្ខាសាលារៀបចំឡើងក្នុងគោលបំណង៖
១.ណែនាំដល់អ្នកពាក់ព័ន្ធក្នុងការអនុវត្តគម្រោងអំពីគោលការណ៍ណែនាំ យន្តការនានា និងការចាប់ផ្តើមអនុវត្តសមាសភាគ២ នៃគម្រោងអាហាររូបត្ថម្ភនៅកម្ពុជា។
២.ធានាថារដ្ឋបាលថ្នាក់ក្រោមជាតិ បានត្រៀមខ្លួនរួចជាស្រេចសម្រាប់អនុវត្តសមាសភាគ២។
សូមបញ្ជាក់ថា៖ គម្រោងនេះជួយដល់ ៧ខេត្ត រួមមាន៖ ខេត្តក្រចេះ មណ្ឌលគីរី ស្ទឹងត្រែង រតនគីរី ព្រះវិហារ កំពង់ឆ្នាំង និងខេត្តកោះកុង ស្មើនឹង ៤៩ ក្រុង ស្រុក ស្មើនឹង ៣០២ឃុំ សង្កាត់ ១៦៤១ភូមិ៕
ប្រភព៖ រដ្ឋបាលខេត្តកំពង់ឆ្នាំង
