នារសៀលថ្ងៃព្រហស្បតិ៍ ៧ រោច ខែផល្គុន ឆ្នាំរកា នព្វស័ក ព ស ២៥៦១ ត្រូវនឹង ថ្ងៃទី ៨ ខែមីនា ឆ្នាំ២០១៨ រដ្ឋបាលខេត្តកណ្តាលបានរៀបចំមីទ្ទិញអបអរសាទរខួបលើកទី១០៧ ទិវាអន្តរជាតិនារី ៨ មីនា ឆ្នាំ២០១៨ ក្រោមប្រធានបទ«ស្ត្រីរួមគ្នារក្សាសន្តិភាពដើម្បីអភិវឌ្ឍន៍ជាតិ» ក្រោមអធិបតីភាព លោកជំទាវ ឃួន សុដារី តំណាងរាស្ត្រមណ្ឌលកណ្តាល និងឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល។ សមាសភាពអញ្ជើញចូលរួមមាន៖ ឯកឧត្តមប្រធានក្រុមប្រឹក្សាខេត្ត, ឯកឧត្តម លោកជំទាវ សមាជិកក្រុមប្រឹក្សាខេត្ត, ឯកឧត្តម លោកជំទាវ អ្នកឧកញ៉ា លោកឧកញ៉ា, ឯកឧត្តម លោកជំទាវ អភិបាលរងខេត្ត, មេបញ្ជាការកងកម្លាំងប្រដាប់អាវុធទាំងបី, លោក លោកស្រី ប្រធានមន្ទីរ-អង្គភាពជុំវិញខេត្ត, ប្រធានក្រុមប្រឹក្សាក្រុងតាខ្មៅ, អភិបាលក្រុង ស្រុក មន្រ្តីរាជការ អ្នកគ្រូ គរុសិស្ស សរុបចំនួន ២១៣២ នាក់។ ក្នុងឱកាសនេះដែរ គណៈអធិបតីបានឧបត្ថម្ភដល់សមាជិកក្នុងអង្គពិធី ក្នុងម្នាក់ៗ ថវិកាចំនួន ១០ ម៉ឺនរៀល។ ប្រភពព័ត៌មាន: រដ្ឋបាលខេត្តកណ្តាល (ថ្ងៃទី០៨ ខែមីនា ឆ្នាំ២០១៨)
