អាជ្ញាធរខេត្តកំពង់ធំ ប្តេជ្ញាយកជ័យលាភីទីក្រុងស្អាត ពានរង្វាន់ “ផ្ការំដួល៣ទង” នៅឆ្នាំ២០២១
March 06, 2018 អ្នកទស្សនា :

ឯកឧត្តម សុខ លូ អភិបាលខេត្តកំពង់ធំ ថ្លែងថា៖ បន្ទាប់ពីចលនាប្រឡងប្រណាំងទីក្រុងស្អាតលើកទី២ (២០១៥-២០១៨) កន្លងផុតទៅ លទ្ធផលបង្ហាញថាគ្រប់ក្រុង-ខណ្ឌ បេក្ខភាពសុទ្ធតែទទួលបានផ្ការំដួលទាំងអស់គ្នា ក្រុង-ខណ្ឌខ្លះ ទទួលបានផ្ការំដួល១ទង ផ្ការំដួល២ទង និងផ្ការំដួល៣ទង ដោយឡែកនៅក្រុងស្ទឹងសែន ខេត្តកំពង់ធំ ទទួលបានពានរង្វាន់ ផ្តារំដួង ២ទង។ ក្នុងនោះ ឯកឧត្តម សុខ លូ បានជំរុញដល់អភិបាលក្រុងស្ទឹងសែន និងមន្ទីរទេសចរណ៍ខេត្ត ត្រូវប្រឹងប្រែងឲ្យបានខ្លាំងក្លាបំផុត ដើម្បីទទួលបានផ្ការំដួល៣ទងផ្ទាល់ ពីសម្ដេចតេជោ ហ៊ុន សែន ព្រោះនេះមោទនភាពរបស់ខេត្តកំពង់ធំ។ ឯកឧត្តមថ្លែងយ៉ាងដូច្នេះ នៅក្នុងពិធីអបអរសាទរទិវាជាតិទីក្រុងស្អាតលើកទី៦ ក្រោមប្រធានបទ «ទីក្រុងស្អាត ដើម្បីទាំងអស់គ្នា»

នៅព្រឹកថ្ងៃអង្គារ ៥រោច ខែផល្គុន នព្វស័ក ព.ស ២៥៦១ ត្រូវនឹងថ្ងៃទី៦ ខែមីនា ឆ្នាំ២០១៨។ ឯកឧត្តមបានបញ្ជាក់ថា ទីក្រុងស្អាតនាំមកនូវផាសុខភាព ជំរុញការរក្សាបាននូវអនាម័យល្អ និងសណ្ដាប់ធ្នាប់ល្អ ដែលជាការរួមចំណែកក្នុងការទាក់ទាញទេសចរ និងចំណេញដល់សេដ្ឋកិច្ចជាតិ តាមរយៈការធ្វើឲ្យជីវភាពប្រជាពលរដ្ឋនៅទីនោះមានការរីកចម្រើន។ ឯកឧត្តមសង្កត់ធ្ងន់ថា អ្វីតែជាគោលបំណងចម្បងនៃចលនាប្រឡងប្រណាំងទីក្រុងស្អាត គឺចង់ឲ្យប្រទេសកម្ពុជាស្អាត និងបៃតង សេវាកម្មប្រកបដោយគុណភាពខ្ពស់ និងជួយជំរុញឲ្យគ្រប់កន្លែងទាំងអស់មានបដិសណ្ឋារកិច្ចល្អ ជាពិសេសយើងរក្សាបាននូវសុខសន្តិភាព ស្ថេរភាពនយោបាយ ដើម្បីទាក់ទាញភ្ញៀវទេសចរណ៍ជាតិ អន្តរជាតិ ចូលមកទស្សនាលើទឹកដីខេត្តកំពង់ធំ ជាពិសេសនៅតំបន់រមណីយដ្ឋានប្រវត្តិសាស្ត្រ ប្រាសាទសំបូរព្រៃគុក ដែលត្រូវបានដាក់ចូលជាសម្បត្តិបេតិកភ័ណ្ឌពិភពលោកកាលពីថ្ងៃទី០៨ ខែកក្កដា ឆ្នាំ២០១៧ កន្លងទៅនេះ។

ប្រភពព័ត៌មាន: រដ្ឋបាលខេត្តកំពង់ធំ (ថ្ងៃទី០៦ ខែមីនា ឆ្នាំ២០១៨)

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ