ថ្នាក់ដឹកនាំខេត្តកំពង់ចាម អញ្ជើញចូលរួមចុះពិនិត្យ ហេដ្ឋារចនាសម្ព័ន្ធសួនច្បារមាត់ទន្លេរបស់លេខេត្ត
នៅព្រឹកថ្ងៃទី២៣ ខែកក្តដា ឆ្នាំ២០២០ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្ដម ញ៉ែម វ៉ាលី រដ្ឋលេខាធិការ ក្រសួងធម្មការ និងសាសនា និងសហការី អញ្ជើញចុះពិនិត្យ ហេដ្ឋារចនាសម្ព័ន្ធសួនច្បារមាត់ទន្លេ ចាប់ពីកំពង់សាឡាងចាស់ រហូតដល់គល់ស្ពានគីហ្សូណា ស្ថិតនៅសង្កាត់វាលវង់ ក្រុងកំពង់ចាម ដែលបានស្ថាបនារួចរាល់១០០ភាគរយ។
ក្នុងឱកាសនៃការចុះពិនិត្យសមិទ្ធិផលនេះ ឯកឧត្តមអភិបាលខេត្ត បានណែនាំដល់អ្នកទទួលការធ្វើការកែលំអរនូវចំណុចខ្វះខាតមួយចំនួន និងធ្វើការជួសជួលកែលម្អបន្ថែម សំដៅធ្វើយ៉ាងណាឲ្យសួនច្បារនេះ មានសោភ័ណ្ឌភាព ផាសុខភាព និងគួរជាទីទាក់ទាញដល់ភ្ញៀវទេសចរណ៍ជាតិ អន្តរជាតិ ដែលមកលេងកំសាន្តនៅក្រុងកំពង់ចាម ជាពិសេសឲ្យសាកសមនឹងជ័យលាភី «រំដួលបីទង» ដែលក្រុងកំពង់ចាម ធ្លាប់ទទួលបាននាពេលកន្លងមក៕
ប្រភព៖ រដ្ឋបាលខេត្តកំពង់ចាម
