រដ្ឋបាលខេត្តព្រះសីហនុ រៀបចំពិធីចាប់ឆ្នោតយកលេខដីឡូត៍ជូនប្រជាពលរដ្ឋដែលរងផលប៉ះពាល់ទាំងស្រុងពីគម្រោងស្តារអូរ ប្រឡាយ ក្នុងភូមិសាស្ត្រក្រុងព្រះសីហនុ
រសៀលថ្ងៃពុធ ទី២២ ខែកក្កដា ឆ្នាំ២០២០ លោក ម៉ាង សុីណេត អភិបាលរងខេត្តព្រះសីហនុ បានអញ្ជើញជាអធិបតីក្នុងពិធីចាប់ឆ្នោតយកលេខដីឡូត៍(ដីសម្បទានសង្គមកិច្ច) វគ្គទី១ ជូនប្រជាពលរដ្ឋចំនួន ១៨១ គ្រួសារ (រស់នៅលេីអូរ ប្រឡាយ ) ហេីយរងផលប៉ះពាល់ទាំងស្រុង ពីគម្រោងស្តារអូរ ប្រឡាយ នៅក្នុងភូមិសាស្ត្រក្រុងព្រះសីហនុ ដោយមានការចូលរួមពី លោកអភិបាលក្រុងព្រះសីហនុ និង មន្ទីរ អង្គភាពពាក់ព័ន្ធផងដែរ។
ជាលទ្ធផល ប្រជាពលរដ្ឋចំនួន ១៧១គ្រួសារ បានអញ្ជើញមកសាលាក្រុង និងបានចាប់ឆ្នោតទទួលដីឡូត៍សម្បទានសង្គមកិច្ចពីរដ្ឋបាលខេត្តព្រះសីហនុ ដោយសប្បាយរីករាយ។ រីឯប្រជាពលរដ្ឋចំនួន ១០គ្រួសារ អវត្តមាន៕
ប្រភព៖ រដ្ឋបាលខេត្តព្រះសីហនុ
