ព្រឹកថ្ងៃអង្គារ ០៥រោច ខែផល្គុន ព.ស២៥៦១ ត្រូវនឹងថ្ងៃទី០៦ ខែមីនា ឆ្នាំ២០១៨ ឯកឧត្តម ឡាយ វណ្ណៈ អភិបាលខេត្តតាកែវ បានចុះសំណេះសំណាលជាមួយជាមួយអាជ្ញាធរភូមិ ឃុំ ក្នុងឃុំជំរះពេន និងឃុំបឹងត្រាញ់ខាងជើង ស្រុកសំរោង នៅតាមសាលាឃុំនីមួយៗ។
ក្នុងឱកាសនោះឯកឧត្តម ឡាយ វណ្ណៈ បានជម្រុញដល់អាជ្ញាធរភូមិ ឃុំ ទាំងអស់ត្រូវចុះជួបប្រជាពលរដ្ឋឱ្យបានទ្វេដង ត្រូវបង្កើនការយកចិត្តទុក្ខដាក់ជាមួយប្រជាពលរដ្ឋ ដើម្បីដឹងសុខទុក្ខ កង្វល់នានារបស់ប្រជាពលរដ្ឋ ហើយធ្វើការដោះស្រាយជាបន្ទាន់ ប្រសិនបើពុំមានលទ្ធភាពដោះស្រាយបានទេត្រូវធ្វើរបាយការណ៍មកលើដើម្បីចាត់វិធានការដោះស្រាយជូនប្រជាពលរដ្ឋ។ បន្ថែមពីនោះឯកឧត្តមក៏បានជម្រុញដល់អាជ្ញាធរភូមិ ឃុំទាំងអស់ខិតខំបង្រួបបង្រួមគ្នា សាមគ្គីគ្នានៅក្នុងមហាគ្រួសារខ្មែរ ចូលរួម អភិវឌ្ឍន៍មូលដ្ឋានឱ្យកាន់តែរីកចំរើន ។
ប្រភពព័ត៌មាន: រដ្ឋបាលខេត្តតាកែវ ( ថ្ងៃទី០៦ ខែមីនា ឆ្នាំ២០១៨)
