ព្រឹកថ្ងៃអង្គារ ០៦កើត ខែផល្គុន ឆ្នាំរកា នព្វស័ក ព.ស ត្រូវនឹងថ្ងៃទី ២០ ខែកុម្ភៈ ឆ្នាំ២០១៨ ឯកឧត្តម ងួន រតនៈ អភិបាល នៃគណៈអភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តបាត់ដំបង និង ឯកឧត្តម ឧត្តមសេនីយ៍ត្រី អ៊ុក ឃ្នួច មេបញ្ជាការតំបន់ប្រតិបត្តិការសឹករងបាត់ដំបង និងជាប្រធានសមាគមអតីតយុទ្ធជនកម្ពុជាខេត្តបាត់ដំបង ព្រមទាំងក្រុមការងារ សមាគមអតីតយុទ្ធជនកម្ពុជាខេត្តបាត់ដំបង បានអញ្ជើញចុះសួរសុខទុក្ខ និងសំណេះសំណាល ព្រមទាំងប្រគល់ផ្ទះ០១ខ្នង ព្រមទាំងអង្ករ១០០គីឡូក្រាម ថវិកា២០ម៉ឺនរៀល សម្ភារៈប្រើប្រាស់មួយចំនួនទៀត ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា ជូនដល់លោក ពេជ្រ សុវណ្ណ អាយុ៥៧ឆ្នាំ ជាជនពិការ នៅភូមិរការ ឃុំរការ ស្រុកសង្កែ ខេត្តបាត់ដំបង និងចែកអំណោយដល់ជនក្រីក្រ មកបណ្តាឃុំផ្សេងៗ ក្នុងសង្កែចំនួន៣០គ្រួសារ ក្នុង១គ្រួសារ ទទួលបានអង្ករ៥០គីឡូក្រាម ។ ក្នុងនោះផងដែរ ឯកឧត្តម ងួន រតនៈ អភិបាល នៃគណៈអភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តបាត់ដំបង ក៏ផ្តល់បន្ថែមនូវថវិកាផ្ទាល់ខ្លួនចំនួន ៤០០,០០០រៀល សម្រាប់ទុកប្រើប្រាស់តាមតំរូវការចាំបាច់ផ្សេងៗ ។ ប្រភពព័ត៌មាន: រដ្ឋបាលខេត្តបាត់ដំបង (ថ្ងៃទី ២០ ខែកុម្ភៈ ឆ្នាំ២០១៨)