ថ្ងៃអង្គារ ៦កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២០ ខែកុម្ភៈ ឆ្នាំ២០១៨ ឯកឧត្តម ជា សុមេធី អភិបាលខេត្ត និងជាប្រធានគណៈកម្មាធិការសាខាខេត្តព្រៃវែង និងលោកឧកញ៉ា អនុប្រធានគណៈកម្មាធិការសាខាខេត្តព្រៃវែង អមដំណើរដោយឯកឧត្ដម អភិបាលរងខេត្ត លោកអភិបាលស្រុក និងក្រុមការងារ បានចុះទៅសួរសុខទុក្ខ និងប្រគល់-ទទួលផ្ទះ បង្គន់អនាម័យ និងសម្ភារៈ ដល់គ្រួសារក្រីក្រ ចាស់ជរា គ្មានទីពឹង ចំនួន០២ស្រុក រួមមាន៖
-លោកយាយ អៀម ផេន អាយុ៦១ឆ្នាំ រស់នៅភូមិស្វាយចេក ឃុំឬស្សីស្រុក ស្រុកពាមជរ
-លោកយាយ អ៉ឹម ឡេង អាយុ៧៤ ឆ្នាំ រស់នៅភូមិព្រែកត្រែង ឃុំអង្គរអង្គ ស្រុកពាមជរ
-លោកយាយ ពៅ នួន អាយុ៦២ រស់នៅភូមិស្នោ ឃុំជៃកំពត ស្រុកព្រះស្តេច
-លោក ឈិន សុខា អាយុ៤៨ រស់នៅភូមិតាហ៊េ ឃុំរាធរ ស្រុកព្រះស្តេច ខេត្តព្រៃវែង។
ក្នុងឱកាសនេះដែរ ឯកឧត្តម អភិបាលខេត្ត និងជាប្រធានគណៈកម្មាធិការសាខាខេត្ត សូមថ្លែងអំណរគុណដល់ព្រះសង្ឃ ញ៉ែម ពេជ្រមុនី ព្រះចៅអធិការវត្តដើមរកា ដែលបានជួយឧបត្ថម អង្ករ មី ទឹកត្រី ទឹកស៊ីអ៉ីវ និងគ្រឿងប្រឡុង សំរាប់ជួយដល់ជនងាយរងគ្រោះ នៅស្រុកព្រះសម្តេច ខេត្តព្រៃវែង។
ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី២០ ខែកុម្ភៈ ឆ្នាំ២០១៨)