ព្រឹកថ្ងៃពុធ ១៤រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៤ ខែកុម្ភៈ ឆ្នាំ២០១៨ ឯកឧត្តម ងួន រតន: អភិបាល នៃគណៈអភិបាលខេត្តបាត់ដំបង ឯកឧត្តម អ៊ុយ សុធាវី អភិបាលរង នៃគណៈអភិបាលខេត្តបាត់ដំបង និង លោកឧកញ៉ា ភួ ពុយ ប្រធានសភាពាណិជ្ជកម្មខេត្តបាត់ដំបង ប្រធានក្រុមហ៊ុនបៃតងកម្ពុជា និងជាប្រធានធនាគារស្រូវខេត្តបាត់ដំបង បានអញ្ជើញចុះជួបសំណេះសំណាលជាមួយបងប្អូនប្រជាពលរដ្ឋដែលរស់នៅក្នុងឃុំវត្តតាមិម ស្រុកសង្កែ ខេត្តបាត់ដំបង ។ ក្នុងគោលបំណង សួរសុខទុក្ខផង និងដើម្បីបង្កើតសហគមន៍កសិករក្នុងឃុំវត្តតាមិស្រុកសង្កែ ខេត្តបាត់ដំបង និងបង្កើតទីផ្សារស្រូវ ឲ្យកាន់តែគៀកជិតនឹងប្រជាកសិករ ដើម្បីឲ្យងាយស្រួលប្រមូលទិញកសិផល( ស្រូវ ) នៅនឹងកន្លែងព្រមទាំងដើម្បីធានារក្សាបានតម្លៃស្រូវ ម្យ៉ាងងាយស្រួលដល់ក្រុមហ៊ុន ក្នុងការលក់ពូជ ជី និងកម្ចីទុន ជូនដល់បងប្អូនប្រជាកសិករ ឲ្យបានទាន់ពេលវេលា។

ប្រភពព័ត៌មាន: រដ្ឋបាលខេត្តបាត់ដំបង (ថ្ងៃទី១៤ ខែកុម្ភៈ ឆ្នាំ២០១៨)