សាខាកក្រកខេត្តកំពត៖ នៅរសៀលថ្ងៃអង្គារ ទី០២ ខែមិថុនា ឆ្នាំ២០២០ នេះសាខាកាកបាទក្រហមកម្ពុជាខេត្តកំពត ដឹកនាំដោយ ឯកឧត្តម ជាវ តាយ ប្រធានគណៈកម្មាធិការសាខា និងជាអភិបាលខេត្តកំពត ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី សមាជិក សមាជិកាគណៈកម្មាធិការសាខា និងក្រុមប្រតិបត្តិសាខា បានទទួលអំណោយ និងថវិកាសប្បុរសធម៌ពី អ្នកឧកញ៉ា បណ្ឌិត ទ្រី ភាព អគ្គនាយកក្រុមហ៊ុន ទ្រី ភាព គ្រុប និងលោកជំទាវឧកញ៉ា គៀន ស្រីនាង ក្នុងពិធីអបអរសាទរខួបទី១៥៧ ទិវាកាកបាទក្រហម និងអឌ្ឍចន្ទក្រហម៨ឧសភាឆ្នាំ២០២០ ក្រោមប្រធានបទ «ខ្ញុំស្រលាញ់សន្តិភាព និងកាកបាទក្រហមកម្ពុជា» ដល់សាខាកាកបាទក្រហមកម្ពុជា ខេត្តកំពត ដើម្បីចូលរួមចំណែកក្នុងការបំពេញ បេសកកម្មមនុស្សធម៌។ អំណោយរួមមាន ថវិកា ៤០លានរៀល, អង្ករ ១០តោន, មីជាតិ ១០០កេះ, អាល់កុល ៣០០លីត្រ៕
ប្រភព៖ រដ្ឋបាលខេត្តកំពត