នៅថ្ងៃសៅរ៍ ទី៣០ ខែឧសភា ឆ្នាំ២០២០នេះ ឯកឧត្ដម តូច ប៉ូលីវ៉ា អភិបាលរងខេត្ត អនុប្រធានគណៈកម្មការប្រយុទ្ធប្រឆាំងនឹងជំងឺ១៩ខេត្ត ប្រធានក្រុមការងារទទួលខុសត្រូវសម្របសម្រួល ក្នុងការដឹកនាំក្រុមការងារទទួលប្រជាពលរដ្ឋ មានទីលំនៅនៅខេត្តស្វាយរៀង ដែលវិលត្រលប់មកពីប្រទេសថៃ តំណាងឯកឧត្ដមអភិបាលខេត្តស្វាយរៀង បានចុះសំណេះសំណាលសួរសុខទុក្ខបងប្អូនពលករដែលវិលត្រឡប់មកស្រុកកំណើតវិញ និងបានពិនិត្យទីតាំងចត្តាឡីស័កដាក់ខ្លួនដាច់ដោយឡែកនៅតាមផ្ទះ អនុវត្តតាមលក្ខណៈបច្ចេកទេស ស្របតាមការណែនាំរបស់ក្រសួងសុខាភិបាល នៅភូមិព្រៃរកា ឃុំឈើទាល និងភូមិត្រោកតូច ឃុំស្វាយធំ ស្រុកស្វាយជ្រំ ខេត្តស្វាយរៀង។
ក្នុងឱកាសនោះ ឯកឧត្ដមអភិបាលរងខេត្ត បានផ្ដាំផ្ញើដល់បងប្អូនពលករទាំងអស់ ត្រូវប្រតិបត្តិការងារចត្តាឡីស័កនៅដាច់ដោយឡែក១៤ថ្ងៃឲ្យបានហ្មត់ចត់ ត្រឹមត្រូវ ដើម្បីតាមដានសុខភាពរបស់ផ្ទាល់ខ្លួន ពិសេសការធ្វើអនាម័យសម្អាតខ្លួនប្រាណ ការលាងដៃជាមួយសាប៊ូឱ្យបានញឹកញាប់ និងធ្វើលំហាត់ប្រាណជាប្រចាំដើម្បីសុខភាព៕
ប្រភព: រដ្ឋបាលខេត្តស្វាយរៀង