អភិបាលខេត្តព្រះសីហនុ អញ្ជើញទទួលអំណោយសម្ភារសម្រាប់ប្រយុទ្ធប្រឆាំងនឹងជំងឺកូវីដ១៩ ពីសប្បុរសជន
នៅព្រឹកថ្ងៃព្រហស្បតិ៍ត ទី២៨ ខែឧសភា ឆ្នាំ២០២០ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានអញ្ជើញទទួលអំណោយពីសប្បុរសជនដែលបានឧបត្ថម្ភជាសម្ភារ:រួមមាន ម៉ាស់ចំនួន៥០០០ ម៉ាស់ Spray clean and clean ចំនួន១០០០ ដបទឹកអាល់កុលចំនួន ១៨០ លីត្រ និង ក្រដាសសើមចំនួន ២កេស មកដល់រដ្ឋបាលខេត្តព្រះសីហនុ សម្រាប់បំរើឱ្យការងារប្រយុទ្ធប្រឆាំងនិងជំងឺកូវីដ១៩ នៅខេត្តព្រះសីហនុ។
ឯកឧត្តម គួច ចំរើន អភិបាលខេត្តព្រះសីហនុ បានថ្លែងនូវអំណរគុណយ៉ាងជ្រាលជ្រៅ ចំពោះសប្បុរសជន ដែលតែងតែជួយឧបត្ថម្ភអំណោយ ពិសេសក្នុងកាលៈទេសៈនេះ បើទោះបីកំពុងប្រឈមនឹងបញ្ហាការឆ្លងរីករាលដាលជំងឺកូវីដ១៩ ដើម្បីការពារទប់ស្កាត់ នូវជំងឺនេះ៕
ប្រភព៖ រដ្ឋបាលខេត្តព្រះសីហនុ
