នៅរសៀលថ្ងៃអង្គារ ទី២៦ ខែឧសភា ឆ្នាំ២០២០ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមខេត្តព្រះសីហនុ បាននាំយកអំណោយសាខាកាកបាទក្រហមខេត្តព្រះសីហនុ មកចែកជូនបងប្អូនប្រជាពលរដ្ឋក្រីក្រចំនួន១៦៨គ្រួសារ នៅឃុំស្ទឹងឆាយ កំពង់សីលា និងឃុំអូរបាក់រទេះ ស្រុកកំពង់សីលា ខេត្តព្រះសីហនុ។
ដោយអំណោយក្នុងមួយគ្រួសាររួមមាន ៖
- អង្ករ ២៥ គីឡូក្រាម
-ត្រីខ ១០កំប៉ុង
-មី ១កេះ
-ទឹកបរិសុទ្ធ ១កេះ
-សាប៊ូ ប្រូធិក២ដុំ
-ម៉ាស់ ១០សន្លឹក
-អាវយឺត ៥អាវ
-ស្បែកជើង ១គូរ និងថវិកាចំនួន ៥០.០០០៛។
ក្រៅពីការចែកជូននូវអំណោយ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមខេត្តព្រះសីហនុ បានសំណេះសំណាលជាមួយបងប្អូនប្រជាពលរដ្ឋមានជីវភាពក្រីក្រ និងបានផ្តាំផ្ញើក៌ដូចជាសារអំពាវនាវឱ្យបងប្អូនប្រជាពលរដ្ឋចេះថែរក្សាសុខភាព សម្អាតអនាម័យ ត្រូវលាងដៃជាមួយជែល ជាមួយទឹកអាល់កុល ឬសាប៊ូ ដើម្បីបង្ការខ្លួនឱ្យជៀសផុតពីជំងឺកូវីដ១៩ផងដែរ៕
ប្រភព: រដ្ឋបាលខេត្តព្រះសីហនុ
