អាជ្ញាធរខេត្តកោះកុង បើកកិច្ចប្រជុំសម្របសម្រួលលើការប៉ះពាល់ ពីគម្រោងស្ថាបនាផ្លូវល្បឿនលឿន ដែលតភ្ជាប់ពីរាជធានីភ្នំពេញ-ខេត្តព្រះសីហនុ ឆ្លងកាត់ខេត្តកោះកុង
ថ្ងៃចន្ទ ទី២៥ ខែឧសភា ឆ្នាំ២០២០ លោក សុខ សុទ្ធី អភិបាលរង នៃគណ:អភិបាលខេត្តកោះកុង បានដឹកនាំប្រជុំសម្របសម្រួលលើកទី១ ជាមួយភាគីគូទំនាស់ ដែលអះអាងថាជាម្ចាស់ដី កំពុងរងការប៉ះពាល់ ពីគម្រោងស្ថាបនាផ្លូវល្បឿនលឿន សម្រាប់តភ្ជាប់រាជធានីភ្នំពេញ-ខេត្តព្រះសីហនុ ដោយឆ្លងកាត់ភូមិសាស្រ្តស្រុកស្រែអំបិល ខេត្តកោះកុង។
តាមរយ:ការសម្របសម្រួល របស់លោកអភិបាលរងខេត្ត ភាគីដែលមានផ្ទះ ស្ថិតនៅចំទីតាំងគម្រោងស្ថាបនាផ្លូវល្បឿនលឿន រាជធានីភ្នំពេញ-ខេត្តព្រះសីហនុ ព្រមរើផ្ទះចេញពីមុខការដ្ឋាន ទៅតាំងនៅខាងត្បូងជាប់របងថ្ម នៅក្នុងបរិវេណដីនោះដដែល នៅថ្ងៃពុធ ទី២៧ ខែឧសភា ឆ្នាំ២០២០ ខាងមុខនេះ ដោយមិនផ្តល់ការរាំងស្ទះដល់ដំណើរការស្ថាបនាផ្លូវល្បឿនលឿន នេះឡើយ៕
ប្រភព: រដ្ឋបាលខេត្តកោះកុង
