ឆ្លើយតបតនិងការលំបាករបស់បងប្អូនប្រជាពលរដ្ឋដែលរងគ្រោះដោយសារការបាក់ស្រុតច្រាំងទន្លេ រហូតដល់បង្ខំចិត្តរុះរើផ្ទះសម្បែង នៅព្រឹកថ្ងៃអាទិត្យ ទី២៤ ខែឧសភា ឆ្នាំ២០២០ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត អមដំណើរដោយអ្នកតំណាងរាស្រ្ត មណ្ឌលកំពង់ចាម ឯកឧត្តម លោកជំទាវ អភិបាលរងខេត្ត កងកម្លាំងទាំងបី មន្ទីរ អង្គភាពជុំវិញខេត្ត អាជ្ញាធរមូលដ្ឋាន អញ្ជើញចុះសាកសួរសុខទុក្ខ និងនាំអំណោយជាសម្ភារៈ និងថវិកាជួយឧបត្ថម្ភប្រជាពលរដ្ឋរុះរើផ្ទះដោយបាក់ស្រុតច្រាំងទន្លេ ចំនួន៩គ្រួសារ នៅឃុំកោះអណ្តែតស្រុកស្រីសន្ធរ។
នាឱកាសនោះ ឯកឧត្តម អភិបាលខេត្ត បានពាំនាំការផ្តាំផ្ញើរសាកសួរសុខទុក្ខពីសំណាក់ឯកឧត្តមនាយឧត្តមសេនីយ៍ គន់ គីម ទេសរដ្ឋមន្ត្រី ទទួលបន្ទុកបេសកម្មពិសេស និងជាអនុប្រធានទី១ គណ:កម្មាធិការជាតិគ្រប់គ្រងគ្រោះមហន្តរាយ ផ្តាំផ្ញើសួរសុខទុក្ខ ដល់បងប្អូនប្រជាពលរដ្ឋទាំងអស់ដោយក្តីនឹករលឹក និងសូមចូលរួមសោកស្តាយដល់បងប្អូនត្រូវរុះរើផ្ទះដោយសារការបាក់ស្រុតច្រាំងទន្លេ កាលពីកន្លងទៅថ្មីៗនេះ និងបានផ្តាំផ្ញើរដល់បងប្អូនប្រជាពលរដ្ឋឲ្យមានការប្រុងប្រយ័ត្នខ្ពស់ដោយសាររដូវវស្សានឹងឈានមកដល់ក្នុងពេលខាងមុខ និងសូមយកចិត្តទុកដាក់តាមដានព័ត៌មានពីការបម្រែបម្រួលអាកាសធាតុពីក្រសួងធនធានទឹកនិងឧត្តុនិយម និងត្រូវត្រៀមបង្ការចំពោះគ្រោះធម្មជាតិ ខ្យល់កន្ត្រាក់ ផ្គររន្ទះ ដែលអាចកើតឡើងជាយថាហេតុ។
ជាមួយគ្នានេះ ឯកឧត្តម ក៏បានណែនាំដល់បងប្អូនប្រជាពលរដ្ឋ ឲ្យមានការប្រុងប្រយ័ត្នខ្ពស់ចំពោជំងឺកូវីដ-១៩ និងចូលរួមទប់ស្កាត់ ការរាតត្បាតនៃជម្ងឺដ៏កាចសាហាវនេះ ដោយត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវមានអនាម័យល្អ លាងដៃឱ្យបានស្អាតជាប្រចាំ ពាក់ម៉ាស (ក្នុងករណីចាំបាច់) ប្រេីកន្សែងឬក្រមា ឬក្រដាសជូតមាត់ខ្ទប់មាត់ពេលក្អក ឬកណ្តាស់ រក្សាគម្លាតសុវត្ថិភាព។
អំណាយសម្រាប់ពេលនេះ ក្នុង១គ្រួសារទទួលបាន៖ តង់ ១ អង្ករ ៥០គីឡូក្រាម មីម៉ាម៉ា២កេស ត្រីខកំប៉ុង២យួរ ទឹកស៊ីអុីវ២យួរ ទឹកត្រី២យួរ និងថវិកា២០ម៉ឺនរៀល៕
ប្រភព: រដ្ឋបាលខេត្តកំពង់ចាម