នាព្រឹកថ្ងៃច័ន្ទ ១២ រោច ខែកុម្ភះ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១២ ខែកុម្ភៈ ឆ្នាំ២០១៨ នៅសាលាខេត្តកណ្តាល ឯ.ឧ ម៉ៅ ភិរុណ អភិបាលនៃគណៈអភិបាលខេត្តកណ្តាល រួមជាមួយឯ.ឧ នួន ផា ប្រធានក្រុមប្រឹក្សាខេត្ត បានអញ្ជើញចូលរួមក្នុងពិធីប្រកាសចូលកាន់តំណែងប្រធានមន្ទីរអភិវឌ្ឍន៍ជនបទជនបទខេត្តកណ្តាល ក្រោមអធិបតីភាពដ៏ខ្ពង់ខ្ពស់ឯ.ឧ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ។ សមាសភាពអញ្ជើញចូលរួមមាន៖ ឯ.ឧ លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក អគ្គាធិការ ប្រតិភូនៃក្រសួងអភិវឌ្ឍន៍ជនបទ, អភិបាលរងខេត្ត, ប្រធានមន្ទីរ អង្គភាពជុំវិញខេត្ត, ប្រធានក្រុមប្រឹក្សា អភិបាលក្រុង ស្រុក និងមន្ត្រីពាក់ព័ន្ធសរុបចំនួនប្រមាណជាង ៣០០ នាក់ ។ *យោងតាមប្រកាសលេខ០២៣/១៨ ក.អ.ជ.ប្រក ចុះថ្ងៃពុធ ១ កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨ ស្តីពីការផ្ទេរភារកិច្ចមន្ត្រីរាជការ អ្នកស្រី ជី ថាវី មន្ត្រីក្របខ័ណ្ឌ ក.២.៤ ត្រូវបានផ្ទេរភារកិច្ចពីអនុប្រធាននាយកដ្ឋានអភិវឌ្ឍន៍ជនបទ សេដ្ឋកិច្ចជនបទ នៃក្រសួងអភិវឌ្ឍន៍ជន ទៅជាប្រធានមន្ទីរអភិវឌ្ឍន៍ជនបទខេត្តកណ្តាល ជំនួសលោក ចាប ម៉ុច ដែលត្រូវចូលនិវត្តន៍៕