អង្ករ ២៨តោន និងសាប៊ូ ដែលជាអំណោយរបស់សម្តេចក្រឡាហោម ស ខេង និងលោកជំទាវ បានប្រគល់ជូនរដ្ឋបាលក្រុង ស្រុក ទាំង ១៤ ក្នុងខេត្តបាត់ដំបង
នៅរសៀលថ្ងៃចន្ទ ទី០៦ ខែមេសា ឆ្នាំ២០២០ ឯកឧត្តម ងួន រតននៈ អភិបាល នៃគណៈអភិបាលខេត្តបាត់ដំបង នៅសាលាខេត្តបាត់ដំបង បាននាំយកអំណោយដ៏ថ្លៃថ្លារបស់សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ញ៉ែម សាខន ស ខេង ចែកជូនដល់ក្រុង ស្រុកទាំង១៤ ដើម្បីធ្វើការបែងចែកបន្តដល់ប្រជាពលរដ្ឋទីទ័លក្រ និងបងប្អូប្រជាពលដែលទើបត្រឡប់មកពីប្រទេសថៃ។
សូមជម្រាបជូនថា អំណោយដែលបានប្រគល់នាពេលនេះមានអង្ករ ២៨តោន និងសាប៊ូ ២៨ កេស ហើយក្រុង ស្រុក នីមួយៗទទួលបាន អង្ករ ២តោន និងសាប៊ូ ២កេស ដើម្បីធ្វើការបែងចែកបន្តនៅមូលដ្ឋានរៀងៗខ្លួន ដល់ប្រជាពលរដ្ឋទីទ័លក្រ និងបងប្អូប្រជាពលដែលទើបត្រឡប់មកពីប្រទេសថៃ៕
ប្រភព៖ រដ្ឋបាលខេត្តបាត់ដំបង
