រដ្ឋបាលខេត្តកំពត ទទួលបានអំណោយពីប្រតិភូសមាជិកព្រឹទ្ធសភា ទទួលទិសភូមិភាគ៥
នៅរសៀលចន្ទ ទី០៦ ខែមេសា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត រួមជាមួយ ឯកឧត្តមអភិបាលរងខេត្ត នាយករដ្ឋបាលសាលាខេត្ត បានទទួលអំណោយ ពីឯកឧត្តម ខៀវ មុត ប្រធានក្រុមការងារសមាជិកព្រឹទ្ធសភាទទួលទិសភូមិភាគ៥ និងសមាជិក រួមមាន ៖ ថវិកា៤លានរៀល, ម៉ាស់ចំនួន១,៥០០ម៉ាស់, ជែលអាកុលលាងដៃចំនួន៤០ដប។
ក្នុងនោះដែរ ឯកឧត្តមអភិបាលខេត្ត បានថ្លែងអំណរគុណ ប្រតិភូព្រឹទ្ធសភាទទួលទិសភូមិភាគ៥ ដែលបាននាំយកអំណោយជូនដល់រដ្ឋបាលខេត្ត ដើម្បីរៀបចំយុទ្ធនាការបង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត។ រដ្ឋបាលខេត្ត នឹងយកអំណោយទាំងនេះ ទៅបែងចែកដល់ក្រុងស្រុក ឃុំសង្កាត់ ដើម្បីធ្វើសកម្មភាពផ្ទាល់ជាមួយប្រជាពលរដ្ឋ៕
ប្រភព៖ រដ្ឋបាលខេត្តកំពត
