ឯកឧត្តម គួច ចំរើន អភិបាលខេត្តព្រះសីហនុ ដឹកនាំមន្ត្រីជំនាញ ចុះពិនិត្យសកម្មភាពស្ថាបនាផ្លូវលេខ១១៥ ស្ថិតក្នុងក្រុងព្រះសីហនុ
រសៀលថ្ងៃសៅរ៍ ទី៤ ខែមេសា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធ ចុះពិនិត្យត្រួតសកម្មភាពស្ថាបនាផ្លូវលេខ១១៥ ស្ថិតក្នុងចំណោមផ្លូវទាំង ៣៤ខ្សែក្នុងក្រុងព្រះសីហនុ ខេត្តព្រះសីហនុ។
ក្នុងឱកាសនោះឯកឧត្តម គួច ចំរើន អភិបាលខេត្តព្រះសីហនុ បានធ្វើការណែនាំឱ្យក្រុមហ៊ុនម៉ៅការត្រូវពន្លឿនការស្ថាបនាលូឱ្យបានទ្វេរដង ព្រោះរដូវវស្សានឹងឈានចូលមកដល់នាពេលខាងមុខ ប្រសិនបើយើងស្ថាបនាលូមានការយឺតយ៉ាវ នឹងជួបហានិភ័យខ្ពស់ ដូចជាដីហូរចូលក្នុងលូ ផ្អាកការដ្ឋានដោយសារភ្លៀង ដែលធ្វើអោយគម្រោងស្ថាបនាផ្លូវមិនអាចសម្រេចបានតាមផែនការជាដើម ទន្ទឹមនោះក៍ត្រូវគិតគូរអំពីគុណភាពការប្រើប្រាស់ជាចម្បងផងដែរ៕
ប្រភព៖ រដ្ឋបាលខេត្តព្រះសីហនុ
