រដ្ឋបាលខេត្តកំពត ទទួលបានអំណោយទឹកសុទ្ធ ពីក្រុមហ៊ុនដូនពេញតាដាបូកគោ
ព្រឹកថ្ងៃព្រហស្បតិ៍ ទី០២ ខែ មីនា ឆ្នាំ២០២០ ឯកឧត្តម ជាវ តាយ អភិបាលនៃគណៈអភិបាលខេត្តកំពត រួមជាមួយ ឯកឧត្តមអភិបាលរងខេត្ត នាយក-នាយករងរដ្ឋបាលសាលាខេត្ត ទីចាត់ការចំណុះសាលាខេត្ត បានទទួលអំណោយទឹកសុទ្ធចំនួន៥០កេស ពីក្រុមហ៊ុនដូនពេញតាដាបូកគោ សម្រាប់ចូលរួមយុទ្ធនាការ បង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត។
ក្នុងនោះដែរ ឯកឧត្តមអភិបាលខេត្ត បានថ្លែងអំណរគុណ និងកោតសរសើរដល់ក្រុមហ៊ុនដូនពេញតាដាបូកគោ ដែលតែងតែផ្តល់ជាអំណោយ និងសម្ភារ:ជូនដល់ រដ្ឋបាលខេត្ត ដើម្បីបម្រើដល់ដំណើររដ្ឋបាលខេត្ត ជាពិសេសជួយដល់ខេត្តក្នុងយុទ្ធនាការបង្ការ និងទប់ស្កាត់ ជំងឺកូវីដ១៩ នៅក្នុងខេត្តកំពត៕
ប្រភព៖ រដ្ឋបាលខេត្តកំពត
