អភិបាលខេត្តព្រះសីហនុ ដឹកនាំមន្ត្រីក្រោមឱវ៉ាទ នាំយកទេយ្យវត្ថុផ្សេងៗ និងបច្ច័យទៅប្រគេនព្រះសង្ឃដែលគង់នៅទីវត្តអារាមចំនួន២១វត្ត ក្នុងភូមិសាស្ត្រស្រុកព្រៃនប់ និងស្រុកកំពង់សិលា
នាព្រឹកថ្ងៃពុធ ទី១ ខែមេសា ឆ្នាំ២០២០ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំមន្ត្រីរាជការក្រោមឱវ៉ាទ នាំយកទេយ្យវត្ថុ រួមមាន អង្ករ ត្រីខ ទឹកបរិសុទ្ធ និងបច្ច័យមួយចំនួន ទៅប្រគេនព្រះសង្ឃដែលគង់នៅទីវត្តអារាមបានចំនួន២១វត្ត ក្នុងភូមិសាស្ត្រស្រុកព្រៃនប់ និងស្រុកកំពង់សិលា ខេត្តព្រះសីហនុ។
នៅក្នុងផែនការរដ្ឋបាលខេត្ត គ្រោងនឹងបន្តចុះនាំយកទេយ្យវត្ថុ និងបច្ច័យប្រគេនដល់ទីវត្តអារាមនានាក្នុងខេត្តព្រះសីហនុបន្តទៀត៕
ប្រភព៖ រដ្ឋបាលខេត្តព្រះសីហនុ
