អភិបាលខេត្តព្រះសីហនុ ទទួលអំណោយមនុស្សធម៌ពីសប្បុរសជន ដែលបានចូលរួមឧបត្ថមថវិកា និងសម្ភារៈមួយចំនួនដល់រដ្ឋបាលខេត្ត ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩
ព្រឹកថ្ងៃចន្ទ ទី៣០ ខែមីនា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានបន្តទទួលអំណោយមនុស្សធម៌ពីសប្បុរសជន ដែលបានចូលរួមឧបត្ថមថវិកា និងសម្ភារៈមួយចំនួនដល់រដ្ឋបាលខេត្ត ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-19 នៅខេត្តព្រះសីហនុ ។
ឯកឧត្តម គួច ចំរើន អភិបាលខេត្តព្រះសីហនុ បានថ្លែងអំណរគុណដល់សប្បុរសជន ដែលបានចូលរួមឧបត្ថម្ភជាថវិកា និងសម្ភារៈមួយចំនួនដល់រដ្ឋបាលខេត្តព្រះសីហនុ ដើម្បីបំរើឱ្យការងារបង្ការ ការពារ ទប់ស្កាត់ជំងឺកូវីដ-19 នៅខេត្តព្រះសីហនុ ហើយកាយវិការមនុស្សធម៌ជួយគ្នា ក្នុងគ្រាដែលខេត្តយើងបច្ចុប្បន្នកើតមានជំងឺ Covid-19 លើជនជាតិបារាំងចំនួន៣៣នាក់ និងជនជាតិខ្មែរចំនួន២នាក់ ៕
ប្រភព៖ រដ្ឋបាលខេត្តព្រះសីហនុ
