រសៀលថ្ងៃអង្គារ ទី២៤ ខែមីនា ឆ្នាំ២០២០ ឯកឧត្តម ជាវ តាយ អភិបាល នៃគណៈអភិបាលខេត្ត បានអនុញ្ញាតឲ្យ ឯកឧត្តម កៅ គឹមហួន ដឹកនាំប្រតិភូវិនិយោគចិនចូលជួបសំដែងការគួរសម និងសំណេះសំណាល។
ក្នុងជំនួបនេះ ឯកឧត្តម អភិបាលខេត្ត បានមានប្រសាសន៍ថា ឯកឧត្តម សូមស្វាគមន៍គ្រប់វិនិយោគទាំងអស់ ដែលបានមកដល់ទឹកដីនៃខេត្តកំពត។ ឯកឧត្តមបានបន្តទៀតថា ខេត្តកំពត មានសក្តានុពលច្រើន និងមានអ្នកវិនិយោគបានមកវិនិយោគលើការងារមួយចំនួន រួមមាន រោងចក្រស៊ីម៉ង់ត៍ វារីអគ្គិសនី កសិដ្ឋានចេកអំបូង ពិសេសវិស័យទេសចរណ៍។
ជាចុងក្រោយ ឯកឧត្តម អភិបាលខេត្ត ស្នើសុំដល់វិនិយោគគិនទាំងអស់មកវិនិយោគលើទឹកដីខេត្តកំពត ដើម្បីឲ្យខេត្តកំពតមានការអភិវឌ្ឍរីកចម្រើនបន្តទៀត។
ក្នុងឱកាសនោះផងដែរតំណាងអ្នកវិនិយោគចិន បានមានប្រសាសន៍ថា អរគុណមិត្តភាពកម្ពុជា-ចិន អមតៈ លោកពិតជា មានមោទនភាពណាស់ដែលបានដឹកនាំក្រុមវិនិយោគចិនមកកាន់ទឹកដីដ៏ស្រស់ស្អាត នៃខេត្តកំពត៕
ប្រភព៖ រដ្ឋបាលខេត្តកំពត