រដ្ឋបាលខេត្តកោះកុង បានឲ្យដឹងថា ដោយស្ថានភាពនៃការរាលដាល់វិរុសកូវីដ-១៩ (DOVID-19) កំពុងរីករាលដាលជាសកល និងដេីម្បីទប់ស្កាត់ នៃការរាលដាល់នៃជំងឺនេះ រដ្ឋបាលខេត្តកោះកុងបានជួបពិភាក្សាជាមួយភាគីថៃ (ខេត្តត្រាត) ដោយទទួលបានលទ្ធផល ដូចខាងក្រោម៖
ទី១-ភាគីថៃ ស្នេីសុំបិទច្រកតំបន់ព្រំដែន ហាត ឡេក មួយរយៈ គិតចាប់ពីថ្ងៃទី២៣ ខែមីនា ឆ្នាំ២០២០ វេលាម៉ោង ០៦៖០០នាទីព្រឹក ដោយអនុញ្ញាត្តឲ្យតែរថយន្ដដឹកទំនិញចេញ-ចូល និងមានតែអ្នកបេីកបរម្នាក់តែប៉ុណ្ណោះ ។ ក្រៅពីនោះ ចំពោះប្រជាពលរដ្ឋ អាជីវករ ភ្ញៀវទេសចរ អ្នកដឹកទំនិញ តាមរទះជាដេីម គឺពុំអនុញ្ញាត្តឲ្យចេញ-ចូលឡេីយ។
ទី២-ករណីប្រជាពលរដ្ឋមានជំងឺធ្ងន់ធ្ងរ ឬអ្នកជំងឺដែលត្រូវទៅព្យាបាលតាមការណាត់ជួបរបស់ពេទ្យថៃ ភាគីថៃ និងសម្របសម្រួលអនុញ្ញាត្តឲ្យធ្វេីដំណេីរចេញ-ចូល ដោយមានឯកសារ និងពិនិត្យត្រឹមត្រូវ ៕
ប្រភព៖ រដ្ឋបាលខេត្តកោះកុង
ខាងក្រោមនេះ ជាសេចក្ដីជូនដំណឹងរបស់រដ្ឋបាលខេត្តកោះកុង