នៅព្រឹកថ្ងៃទី១៨ ខែ មីនា ឆ្នាំ២០២០ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នឹងមន្រ្តីសាលាខេត្ត កងកំលាំងទាំងបី បានចូលរួមរំលែកទុក្ខ សព​ លោកអនុសេនីយ៍ឯក កែវ ណារិន ក្នុងជន្មាយុ ៥២ឆ្នាំ ដែលជួបឧប្បត្តិហេតុដោយភ្លើងឆេះផ្ទះ បណ្ដាលឲ្យម្ចាស់ផ្ទះរងរបួសធ្ងន់រហូតបាត់បង់ជីវិតកាលពីថ្ងៃទី១៧ ខែមីនា ឆ្នាំ២០២០ នៅភូមិស្វាយជ្រំ ឃុំកោះមិត្ត ស្រុកកំពង់សៀម ខេត្តកំពង់ចាម។

      គួរំលឹកផងដែរថាកាលពីថ្ងៃទី១០ ខែមីនាកន្លងទៅ ស្តិតនៅភូមិស្វាយជ្រុំ ឃុំកោះមិត្ត ស្រុកកំពង់សៀម ខេត្តកំពង់ចាម មានករណីភ្លើងឆេះផ្ទះចំនួន២ខ្នង ក្នុងនោះគឺមានផ្ទះ លោក វរសេនីយ៍ត្រី កែវ ណារិន អត្តលេខ: ៤៨២៩៣ ឋាន:មន្រីសណ្តាប់ធ្នាប់ នៃអធិការដ្ឋាននគរបាលក្រុងកំពង់ចាម។

      ក្នុងឱកាសនោះដែរ ឯកឧត្តម អ៊ុន ចាន់ដា បានបួងសួងឧទ្ទិស ទៅដល់វិញ្ញាណក្ខន្ធ ទាំងអារម្មណ៍ក្រៀមក្រំ និងសោកស្តាយយ៉ាងខ្លាំង ក្នុងការបាត់បង់នូវមន្ត្រីសកម្មម្នាក់ ដែលធ្លាប់បានលះបង់គ្រប់យ៉ាង ក្នុងបុព្វហេតុ បម្រើ ការពារជាតិមាតុភូមិអស់រយៈពេលជាច្រើនឆ្នាំកន្លងមក។

      ឯកឧត្តមក៏ បានចូលជាបច្ច័យ ដើម្បីរំលែកទុក្ខដល់គ្រួសារសពចំនួន១,០០០,០០០ រៀលផងដែរ៕

ប្រភព៖ រដ្ឋបាលខេត្តកំពង់ចាម