នៅថ្ងៃអង្គារ ទី១៧ ខែមីនា ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈ អភិបាលខេត្តស្វាយរៀង បានចូលរួមអមដំណើរគណៈប្រតិភូគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក (គណៈកម្មការទី៣) នៃរដ្ឋសភា ដឹកនាំដោយឯកឧត្តម ជា វ៉ាន់ដេត ប្រធានគណៈកម្មការ អញ្ជើញចុះពិនិត្យ និងសិក្សាស្វែងយល់អំពីការគ្រប់គ្រងនៅតំបន់សេដ្ឋកិច្ចពិសេសស្វាយរៀងហ្គីហ្គារីសស៍ ស្រុកស្វាយទាប និងតំបន់សេដ្ឋកិច្ចពិសេសមេនហាតធេន ក្រុងបាវិត និងពិនិត្យអំពីសកម្មភាពភាពទូទៅនៅច្រកទ្វារព្រំដែនអន្តរជាតិបាវិត។
ក្នុងឱកាសនោះក៏មានការអញ្ជើញចូលរួមពីសំណាក់ឯកឧត្ដម លោកជំទាវតំណាងរាស្ត្រមណ្ឌលខេត្តស្វាយរៀង ឯកឧត្តមអគ្គលេខាធិការរងគណៈកម្មាធិការក្រុមប្រឹក្សាវិនិយោគកម្ពុជា ឯកឧត្តម លោកជំទាវរដ្ឋលេខាធិការ អនុរដ្ឋលេខាធិការ តំណាងក្រសួងពាក់ព័ន្ធ លោកនាយករដ្ឋបាលសាលាខេត្ត លោកប្រធានមន្ទីរពាក់ព័ន្ធ អភិបាលស្រុកស្វាយទាប និងអភិបាលក្រុងបាវិត ព្រមទាំងមន្ត្រីពាក់ព័ន្ធមួយចំនួនទៀត៕
ប្រភព៖ រដ្ឋបាលខេត្តស្វាយរៀង