កំពង់ចាម៖ ក្រុមហ៊ុន មេនថេក ខេមបូឌា លីមីតធីត ដែលជាក្រុមហ៊ុនចិន ផលិត សម្ភារៈពេទ្យស្ថិតក្នុងស្រុកកំពង់សៀម ខេត្តកំពង់ចាម បានផ្តល់ម៉ាសចំនួន 1000 ម៉ាស់ និងអាវការពារសម្រាប់ពេទ្យចំនួន 1000 សម្រាប់ ដើម្បីជូនរដ្ឋបាលខេត្តចាត់ចែងតាមតម្រូវការ ក្នុងការត្រៀមប្រយុទ្ធប្រឆាំងជាមួយនឹងជំងឺ កូវីត-១៩ ដែលកំពុងតែរាលត្បាតក្នុងខេត្តកំពង់ចាមក៏ដូចព្រះរាជាណាចក្រកម្ពុជា។

      ការប្រគល់ម៉ាសនិងសម្ភារៈអាវពេទ្យនេះបានប្រព្រឹត្តឡើងនៅ ថ្ងៃពុធ ទី១៨ ខែមីនា ឆ្នាំ២០២០។
មានប្រសាសន៍ក្នុងឱកាសទទួលបានពីក្រុមហ៊ុនមេនថេកខេមបូឌា លីមីតធី ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុន ដែលបានយកចិត្តទុកដាក់ក្នុងការការពារ ទប់ស្កាត់ជំងឺ កូវីត-19 នេះដល់រដ្ឋបាលខេត្ត។

      ឯកឧត្តមសន្យាថានឹងយកសម្ភារៈបរិក្ខាពេទ្យនេះទើបប្រគល់ឱ្យមន្ទីរសុខាភិបាលដើម្បីចាត់ចែងតាមតម្រូវការក្នុងការប្រើប្រាស់ដើម្បីទប់ស្កាត់ជំងែនេះផងដែរ៕

ប្រភព៖ រដ្ឋបាលខេត្តកំពង់ចាម