បន្ទាយមានជ័យ៖ អភិបាលខេត្តបន្ទាយមានជ័យ ដាក់ចេញផែនការដល់កងកម្លាំងសមត្ថកិច្ច អង្គភាពពាក់ព័ន្ធ អភិបាលក្រុង-ស្រុក ត្រូវយកចិត្តទុក្ខឲ្យបានខ្ពស់ លេីវិធានការទប់ស្កាត់វីរុសថ្មី កូវីដ -១៩ ដែលកំពុងរីករាលដាល់ស្ទេីរពេញពិភពលោក ហេីយក៏បានកំពុងរកឃេីញអ្នកឆ្លលវីរុសនេះនៅកម្ពុជា។ ការដាក់ចេញផែនការនេះធ្វេីឡេីងនៅក្នុងកិច្ចប្រជុំ គណបញ្ជាឯកភាពរដ្ឋបាលខេត្ត បន្ទាយមានជ័យ នាព្រឹកថ្ងៃទី១៧ ខែមីនា ឆ្នាំ២០២០។
ឯកឧត្ដម អ៊ុ រាត្រី អភិបាលខេត្ត អភិបាលខេត្ត និងជាប្រធានគណៈបញ្ជការឯកភាពខេត្ត បានគ្រប់ឲ្យអ្នកពាក់ព័ន្ធ ពិសេសនៅច្រកទ្វាអន្តរជាតិប៉ោយប៉ែត ត្រូវយកចិត្តទុកដាក់ឲ្យខ្ពស់ពីវីរុសកូវីដ -១៩ ពិសេសនាឱកាសនៃបុណ្យចូលឆ្នាំថ្មី ប្រពៃណីជាតិនាពេលខាងមុខ បងប្អូនខ្មែរដែលធ្វេីការនៅប្រទេសថៃ នឹងវិលត្រឡប់មកលេងប្រទេសវិញ។ ដូច្នេះអាជ្ញាធរកងកម្លាំងដែលនៅតាមបន្ទាត់ព្រំដែន ត្រូវរិតបន្តឹតការចេញចូលតាមច្រកព្រំដែន ដោយតម្រូវឲ្យពួកគាត់ចូលតាមច្រកទ្វាអន្តរជាតិប៉ោយប៉ែត ពីព្រោះនៅទីនោះយេីងមានឧបករណ៍គ្រប់គ្រាន់ក្នុងការត្រួតពិនិត្យ។
ពិសេសឯកឧត្តម អភិបាលខេត្ត ក៏បានបញ្ជាឲ្យបិទច្រករបៀងផ្សេងៗ ដែលមាន មិនឲ្យមានការឆ្លងចេញចូលឡេីយ ដេីម្បីបញ្ចៀស ក៏ដូចជាវិធានការទប់ស្កាត់ពីការរីករាលដាល់ពីវីរុសកូវីដ-១៩។
ក្នុងនោះក្រសួងសុខាភិបាល ក៏បានដាក់បម្រាមផ្អាកមិនឲ្យជនបរទេសចូលមកប្រទសកម្ពុជា មានចំនួន៦ប្រទេស រួមមាន៖ ប្រទេសអ៉ឺរ៉ង់ អ៉ីតាលី អាល្លឺម៉ង់ អេស្ប៉ាញ បារាំង និងអាមេរិក។
សូមជម្រាបផងដែរថា ប្រទេសកម្ពុជាមានរកឃេីញអ្នកឆ្លងកូវីដ-១៩ ថ្មីចំនួន១២នាក់បន្ថែមទៀត ក្នុងនោះខេត្តបន្ទាយមានជ័យ មានចំនួន២នាក់ផងដែរ។ ក្នុងនោះអ្នកឆ្លងកូវីដ -១៩ នៅកម្ពុជាកេីនឡេីង ២៤នាក់ហេីយ៕
ប្រភព៖ រដ្ឋបាលខេត្តបន្ទាយមានជ័យ