បន្ទាយមានជ័យ ៖ឯកឧត្តម នាយឧត្តមសេនីយ៍ កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ព្រមានដល់មន្ត្រីណា ដែលនៅពីក្រោយករណីគ្រឿងញៀន តាមរយៈ ការជួយសម្រួល រកការដោះស្រាយបញ្ហាគ្រឿងញៀន គឺយេីងមិនត្រូលេីកលែងជាដាច់ខាត បេីទោះបីជាមានបុណ្យស័ក្តិធំប៉ុណ្ណាក៏ដោយ ត្រូវតែយកមកផ្តន្ទាទោសទៅតាមផ្លូវច្បាប់។
ការព្រមាននេះបានធ្វេីឡេីងនៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ និងលេីកទិសដៅបន្តឆ្នាំ២០២០ របស់រដ្ឋបាលខេត្តបន្ទាយមានជ័យ និងក្រុមការងាររាជរដ្ឋាភិបាលចុះមូលដ្ឋាន នៅព្រឹកថ្ងៃទី១១ ខែមីនា ឆ្នាំ២០២០។
ឯកឧត្តម នាយឧត្តមសេនីយ៍ ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ក៏បានថា ៖ករណីគ្រឿងញៀន នៅតែបន្តកេីតមានដោយមានអ្នកមានអំណាចនៅពីក្រោយខ្នង ទទួលលាភ ពីជនទុច្ចរិកទាំងនោះ នៅពេលដែលសមត្ថកិច្ចយេីងចុះធ្វេីការបង្ក្រាប់ជនទាំងនោះបានរត់គេចខ្លួន ហេីយពេលយេីងចាប់បាន មានអ្នករកការដោះស្រាយឲ្យជនដែលជួញដូរ និងប្រេីប្រាស់គ្រឿងញៀនឲ្យមានសេរីភាព។ បញ្ហានេះ ឯកឧត្តម នាយឧត្តមសេនីយ៍ កែ គឹមយ៉ាន ក៏បានសង្កត់ធ្ងន់ថា ៖ បេីទោះបីជា អ្នកនោះមានស័ក្តិធំប៉ុណ្ណា មានខ្នងធំប៉ុណ្ណា បេីសិនជាមានជាប់ពាក់ព័ន្ធនឹងករណីគ្រឿងញៀន ត្រូវតែបង្ក្រាបឲ្យបាន ដេីម្បីយកមកផ្តន្ទាទោសតាមផ្លូវច្បាប់ ដោយគ្មានករណីលេីកលែងឡេីយ៕
ប្រភព៖ រដ្ឋបាលខេត្តបន្ទាយមានជ័យ