ការលើកឡើងបែបនេះ ក្នុងឱកាសទិវាជាតិ បង្ការពន្លត់អគ្គិភ័យ និងសង្គ្រោះជនរងគ្រោះលេីកទី១ បានរៀបចំនៅបរិវេណមុខអនុវិទ្យាល័យ ព្រៃចក្រី ភូមិព្រៃចក្រី ឃុំអូរស្វាយ ស្រុកកំពង់សៀម ខេត្តកំពង់ចាម។
កុំការបញ្ជាក់របស់លោកស្នងការនគរបាលខេត្តកំពង់ចាមបានឲ្យដឹងថា ហេតុការណ៍គ្រោះអគ្គីភ័យនៅក្នុងឆ្នាំ២០១៩ ត្រីមាសទីមួយឆ្នាំ២០២០ ទូទាំងខេត្តកំពង់ចាមមានគ្រោះអគ្គិភ័យកើតឡើងចំនួន ៤៩លើក ដែលបណ្ដាលឲ្យស្លាប់មនុស្សម្នាក់ របួស ២នាក់ ឆេះផ្ទះ ៥៧ខ្នង ខូចខាតគិតជាប្រាក់ប្រមាណជា សរុប៨៦៧លាន រៀល
ឯកឧត្តមអ៊ុនចាន់ដាអភិបាលនៃគណៈអភិបាលខេត្តកំពង់ចាម បានលើកឡើងថាករណីដែលកើតឡើងទាំងអស់នេះគឺបណ្ដាលមកពីការធ្វេសប្រហែស និងការយល់ដឹងនៅមានកម្រិត។
ឯកឧត្តមបានផ្ដាំផ្ញើបងបងប្អូនប្រជាពលរដ្ឋទាំងអស់ទូទាំងខេត្តកំពង់ចាម សូមមានការប្រុងប្រយ័ត្នខ្ពស់ក្នុងការចូលរួមបង្ការទប់ស្កាត់គ្រោះអគ្គីភ័យ ព្រោះការចូលរួមទប់ស្កាត់គ្រោះអគ្គីភ័យមិនមែនជាកាតព្វកិច្ចរបស់នៅណាម្នាក់នោះទេ ប៉ុន្តែវាគឺជាកាតព្វកិច្ចរបស់យើងទាំងអស់គ្នា។ ដោយឡែកនៅក្នុងមូលដ្ឋានដូចជាគេហដ្ឋានរបស់បងប្អូនប្រជាពលរដ្ឋ គួរតែមានឧបករណ៍បង្ការពន្លត់អគ្គីភ័យជាបឋម និងត្រៀមសម្ភារៈសាមញ្ញៗដូចជា ភួយ ខ្សាច់ មានទឹកបំរុងទុកពេញពាង ។ល។ ជាពិសេសត្រូវមានការប្រុងប្រយ័ត្ន ចំពោះបញ្ហាភ្លើងផ្សែង តាមរយៈការប្រើប្រាស់ភ្លើងចង្ក្រាន ការដុតទៀនធូប ចរន្តអគ្គិសនីនិងគ្រឿងដែលបង្កឲ្យមានអគ្គីភ័យកើតឡើង។ ប្រសិនបើមានករណីគ្រោះអគ្គីភ័យកើតឡើង សូមរាយការណ៍ជាបន្ទាន់ដល់កម្លាំងមានសមត្ថកិច្ច ដើម្បីបានជួយទាន់ពេលវេលា៕
ប្រភព៖ រដ្ឋបាលខេត្តកំពង់ចាម