នៅថ្ងៃសុក្រ ទី២១ ខែកុម្ភៈ ឆ្នាំ២០១៩ លោក តូច ប៉ូលីវ៉ា អភិបាលរងខេត្ត និងជាប្រធានក្រុមការងារPWG-RWSSH តំណាងឯកឧត្ដមអភិបាលខេត្តស្វាយរៀង បានអញ្ជើញជាអធិបតីក្នុងចូលរួមប្រជុំពិភាក្សាស្តីពី ការរៀបចំផែនចុះវាយតម្លៃការបញ្ឈប់ការបន្ទោបង់ពាសវាលពាសកាល (ODF)សម្រាប់ក្រុងស្វាយរៀង និងក្រុងបាវិត ដោយមានការចូលរួមពីលោកអភិបាល អភិបាលរងក្រុងស្វាយរៀង លោកអភិបាលរងក្រុងបាវិត លោកអនុប្រធានមន្ទីរអភិវឌ្ឍន៍ជនបទខេត្ត លោកប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ក្រុងស្វាយរៀង និងក្រុងបាវិត លោក លោកស្រីចៅសង្កាត់ទាំង៧ នៃក្រុងស្វាយរៀង និងចៅសង្កាត់ទាំង៥នៃក្រុងបាវិត លោក លោកស្រីមន្រ្តីនៃមន្ទីរអភិវឌ្ឍន៍ជនបទ។
នាកិច្ចប្រជុំនោះ លោក អភិបាលរងខេត្តបានសំណូមពរដូចខាងក្រោម៖
១.សូមលោក លោកស្រីក្រុមប្រឹក្សាសង្កាត់និមួយៗរៀបចំចងក្រងសៀវភៅទិន្នន័យ អនាម័យ ការសម្អាត និងទឹកស្អាត
២.រៀបចំ និងគូសផែនទី ភូមិបង្ហាញពីទីតាំងបង្គន់អនាម័យ
៣.រៀបចំផែនការODF តាមសង្កាត់នីមួយៗ៕
ប្រភព៖ រដ្ឋបាលខេត្តស្វាយរៀង
