នៅរសៀលថ្ងៃសុក្រ ទី២១ ខែកុម្ភ: ឆ្នាំ២០២០ នៅសាលប្រជុំសាលាខេត្តកំពង់ឆ្នាំង ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំង បានដឹកនាំកិច្ចប្រជុំការងារត្រៀមរៀបចំសន្និបាតបូកសរុបលទ្ធផលការងារឆ្នាំ២០១៩ និងលើកទិសដៅអនុវត្តឆ្នាំ២០២០របស់រដ្ឋបាលខត្តកំពង់ឆ្នាំង ដែលនឹងប្រព្រឹត្តទៅនៅថ្ងៃទី២៦-២៧ ខែកុម្ភ: ឆ្នាំ២០២០ នៅសណ្ឋាគារសុខថៃសាន្ត ខេត្តកំពង់ឆ្នាំង។
ដោយមានការអញ្ជើញចូលរួមពីនាយក នាយករងរដ្ឋបាលសាលាខេត្ត លោក លោកស្រីនាយកទីចាត់ការ ប្រធាន អនុប្រធានអង្គភាពនិង ប្រធាន អនុប្រធានការិយាល័យសាលខេត្ត។
ក្នុងឱកាសនោះ ឯកឧត្តមឈួរ ច័ន្ទឌឿន អភិបាលខេត្ត បានជម្រុញឱ្យក្រុមការងារយកចិត្តទុកដាក់ការបំពេញការងារ និងពង្រឹងការអនុវត្តតួនាទីភារកិច្ចរបស់ខ្លួនប្រកបដោយការទទួលខុសត្រូវខ្ពស់ ដើម្បីធានាឱ្យការងាររៀបចំសន្និបាតបូកសរុបលទ្ធផលការងាររបស់រដ្ឋបាលខេត្តនាពេលខាងមុខនេះទទួលជោគជ័យតាមការគ្រោងទុក៕
ប្រភព៖ រដ្ឋបាលខេត្តកំពង់ឆ្នាំង