នៅថ្ងៃអាទិត្យ ទី៩ ខែកុម្ភៈ ឆ្នាំ២០២០នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង អមដំណើរដោយអភិបាលរងខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលក្រុងបាវិត លោកនាយកទីចាត់ការហិរញ្ញវត្ថុសាលាខេត្ត បានអញ្ជើញចុះពិនិត្យមើលវឌ្ឍនភាពនៃការអភិវឌ្ឍក្រុងបាវិតរួមមាន៖
១-ពិនិត្យមើលការសាងសង់ផ្លូវវាងសម្រាប់ឡានកុងទឺន័រដឹកទំនិញចេញចូល និងទីតាំងត្រួតពិនិត្យកុងទឺន័ររួមគ្នានៅទីតាំងឆ្លងកាត់ព្រំដែនរវាងប្រទេសកម្ពុជា និងវៀតណាម។
២-ពិនិត្យមើលដំណើរការអភិវឌ្ឍន៍នៅតំបន់ព្រំដែនបង្គោលលេខ ១៦៤-១៦៥។
៣-ពិនិត្យមើលការស្ថាបនាផ្លូវចាក់បេតុងដែលកំពុងដំណើរការនៅផ្លូវសំខាន់ៗមួយចំនួនក្នុងក្រុងបាវិត។
៤-ពិនិត្យមើលទីតាំងប្រព័ន្ធលូរំដោះទឹកកង្វក់។
៥- ពិនិត្យមើលដំណើរការសាងសង់សាលាសង្កាត់ ប៉ុស្តិ៍រដ្ឋបាលក្រុងបាវិត និងមូលដ្ឋានកងរាជអាវុធហត្ថក្រុងបាវិត ដែលកំពុងសាងសង់សម្រេចបានប្រមាណ៦០%៕
ប្រភព៖ រដ្ឋបាលខេត្តស្វាយរៀង
