ឯកឧត្តម ជាវ តាយ អភិបាលខេត្តកំពត បានទទួលជួបស្វាគមន៍ និងសម្ដែងការគួរសមជាមួយប្រតិភូខេត្តសានដុង និងក្រុងប៉ៃសឺ នៃសាធារណរដ្ឋប្រជាមានិតចិន
ព្រឹកថ្ងៃសុក្រ ទី២០ ខែធ្នូ ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានទទួលជួបស្វាគមន៍ និងសម្ដែងការគួរសមជាមួយប្រតិភូខេត្តសានដុង និងក្រុងប៉ៃសឺ នៃសាធារណរដ្ឋប្រជាមានិតចិន ដែលបានអញ្ជើញចូលរួមពិធីបុណ្យសមុទ្រ លើកទី៨ ជុំទី២ នៅខេត្តកំពត។
ក្នុងឱកាសនោះដែរ ឯកឧត្តមអភិបាលខេត្ត បានជម្រុញឲ្យខេត្តក្រុងសម្ព័ន្ធមិត្តខាងលើធ្វើកិច្ចសហប្រតិបត្តិការជាមួយគ្នាឲ្យកាន់តែល្អប្រសើរថែមទៀត ក្នុងន័យរឹតចំណងសាមគ្គីភាព មិត្តភាព និងការអភិវឌ្ឍក្នុងខេត្តឲ្យមានភាពរីកចម្រើនថែមទៀត។
ជាចុងក្រោយ ឯកឧត្តមអភិបាលខេត្ត បានប្រសិទ្ធិពរជ័យជូនដល់គណ:ប្រតិភូទាំងអស់ឲ្យប្រទះតែសុខសុវត្ថិភាពល្អក្នុងការធ្វើដំណើរ។
ប្រភព៖ រដ្ឋបាលខេត្តកំពត
