កាលពីរសៀលថ្ងៃអង្គារ ទី១៧ ខែធ្នូ ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានដឹកនាំកិច្ចប្រជុំ​អនុគណៈកម្មការរៀបចំពិធីបុណ្យសមុទ្រលើកទី៨ ជុំទី២​នៅខេត្តកំពត។ ដោយមានការអញ្ជើញចូលរួមពីប្រធាន អនុប្រធាន អនុគណៈកម្មការទាំង៦ ព្រមទាំងមន្ត្រីពាក់​ព័ន្ធសរុប៤៣នាក់។

      ក្រោយពីស្តាប់របាយការណ៍លទ្ធផលការងារដែលបានអនុវត្ត និងត្រៀមធ្វើសកម្មភាពរបស់អនុគណៈកម្មការនីមួយៗ ឯកឧត្តមអភិបាលនៃគណៈអភិបាលខេត្តបានកោតសរសើរចំពោះក្រុមការងារដែលបានខិតខំបំពេញតាមគម្រោងផែនការរៀងៗខ្លួន ហើយបន្តអនុវត្តការងារដែលនៅសេសសល់ទាំងអស់ឱ្យបានសម្រេចជាស្ថាពរក្នុងពេលឆាប់បំផុតតាមដែលអាចធ្វើទៅបាន ពិសេសត្រូវគិតគូរ ហើយធ្វើ ដើម្បីឱ្យបានជោគជ័យជាអតិបរមា៕

ប្រភព៖ រដ្ឋបាលខេត្តកំពត